As Preseleccións Galegas de Minibasket reciben febreiro adestrando, traballo que acometerán durante todo este mes en máis dunha ocasión, tendo planificadas un total de tres concentracións.

A primeira convocatoria á que farán fronte nesta etapa está programada para este domingo, 2 de febreiro; visitando de novo, e tal e como fixeron xa esta pasada fin de semana, a localidade de A Estrada.

O Pavillón Manuel Coto Ferreiro, escenario común das evolucións dos nosos e as nosas minis, volverá a acoller os seus adestramentos, nesta ocasión a partir das 10.00 h para as 16 xogadoras convocadas por Nacho Silva, e dende as 12.00 h para os 14 xogadores citados por Fernando Buendía.

O listado completo de ambas as preseleccións configuradas para a indicada concentración deste domingo, 2 de xaneiro; poden consultarse nos documentos que se achegan.

Preselección Galega Minibasket Feminina: 02/02/14
Preselección Galega Minibasket Masculina: 02/02/14