A Federación Galega de Baloncesto comunica de xeito oficial os emparellamentos definitivos que protagonizarán as Fases Finais das Ligas FGB Minibasket e Preminibasket, a celebrar este domingo, 2 de xuño, na localidade de A Estrada (Pavillón Manuel Coto Ferreiro).

Cubertas as fases previas e as cruces clasificatorias en ambas as categorías, mini e premini, chega a Fase Final, competición que concentrará en A Estrada a catro clubs participantes por cada categoría, reunindo así nesta particular festa do Baloncesto Base a un total de 16 equipos que buscarán ser os novos campións en feminino e en masculino.

Na ligazón que se achega, remitimos o calendario completo, coas horas e as pistas nas que os equipos en liza disputarán cada encontro.