Estudiantes de Lugo, representante galego nos cuartos de final

Os xogadores de Estudiantes de Lugo Júnior seguen escalando postos en Zaragoza, converténdose esta mañá no único equipo galego que consegue a clasificación para cuartos de final. Dos tres conxuntos con opcións de alcanzar esta rolda, os lucenses, coa súa vitoria ante o equipo Mallorquino de La Salle, rubricaron esta posibilidade, a cal non poderán gozar Marín Peixegalego e Compañía de María de Vigo (en feminino), derrotados hoxe nas súas correspondentes cruces de oitavos.

OITAVOS DE FINAL – 16/05/12

(09.00 h) LA SALLE COMASA – ESTUDIANTES LUGO LEYMA NATURA (69 – 98)

Desde o primeiro momento os de Lugo saíron coa concentración necesaria, a pesar de verse favoritos, para competir á altura que esixen uns oitavos de final dun campionato como este.

Só durante o segundo cuarto houbo un pequeno baixón de intensidade, que foi corrixido no tempo de descanso e que permitiu chegar ao final de partido con cómodas vantaxes que aseguraron o marcador final.

O único aspecto negativo do partido foi a lesión de Charles Nkaloulou, que cunha escordadura de nocello é seria dúbida para o partido de cuartos de final de mañá, xoves, (13.00 h) contra La Caja de Canarias G. Canarias.

Comparte:

Facebook
LinkedIn
Email
WhatsApp
Telegram