A FGB, en colaboración con Amura e Leyma Natura pon en marcha a XII edición do seu “Certame de Debuxo: O Baloncesto e o Nadal”, concurso que cada temporada decide a postal que desexará boas festas a todos os federados.
A partir deste sábado, 4 de decembro; permanecerá aberta a posibilidade de participar nesta XII edición do Certame, aberto a recibir propostas de todos os xogadores e xogadoras de categorías preminibasket ata cadete que o desexen, centrando a temática das súas creación na vinculación entre o “Baloncesto e o Nadal”.
A data límite para enviar estas propostas é a do 20 de decembro. E xa o día 22 deste mes coñeceremos a postal vencedora.
Bases de participación
As BASES e requisitos deste Certame poden consultarse no documento que achegamos, definindo ademais no mesmo o carácter dos agasallos que recibirán os creadores ou creadoras dos dous deseños premiados.
Así mesmo, as primeiras 20 postais recibidas para formar parte do concurso contarán cun agasallo da FGB.
