Na despedida da temporada 2022 – 2023 nace o Campionato de España 3×3 U15 e U13 de Seleccións Autonómicas, e con el novas designacións de ámbito nacional para os colexiados do Comité Galego de Árbitros. Así, para esta cita, que terá lugar na localidade catalana de Blanes os días 24 e 25 de xuño; o CGAB estará representado polos colexiados Elena Bosch e Álvaro Leis.
Ambos formarán parte da expedición galega que vivirá por primeira vez esta experiencia, acompañando tamén ás Seleccións Galegas 3×3 U13 e U15 en dous intensos días de competición, os cales poderán seguirse a través da Canle FEB.
Trasladar os nosos parabéns a Elena e a Álvaro, e desexarlles a mellor das sortes na súa participación neste nacional de clubs!
