O Club Baloncesto Arxil volve este ano a organizar o seu tradicional “3×3” na Avenida de Montero Ríos e farao grazas ao patrocinio da Deputación Provincial, do Concello de Pontevedra e do Instituto Municipal de Deportes (I.M.D). A cita será este mércores, 3 de xuño. 

(Info: C.B. Arxil) A intención do club pontevedrés consiste en promover a práctica deportiva dos máis pequenos na modalidade de baloncesto. Trátase dunha cita na que participan centos de escolares dos diferentes colexios do concello pontevedrés: Colexio concertado Divina Pastora “Calasancias”, Colexio concertado Nuestra Señora de los Dolores “Doroteas”, Cpr San José, Ceip San Benito de Lérez, Ceip Froebel, Ceip Barcelos, Ceip Campolongo, Asociación Virgen de la O, Ceip Carballal Marin, Ceip Manuel Vidal Portela, Ceip Alvarez Limeses e C D Amfiv. É dicir un total de 11 colexios e dúas asociacións, sumando 1100 alumnos de 3º da 6º de primaria das localidades de Pontevedra e un colexio de Marín.

Na pasada edición, a máis numerosa ata o momento, participaron un total de 11 centros escolares, pero a intención do Arxil é conseguir aumentar ese número cada ano que pasa. Segundo manifestou a presidencia do CB Arxil, Milagres Sanmartín, nesta catorce edición do torneo espérase superar a participación de anos anteriores con preto de 1.200 nenos e pícaras gozando do baloncesto na rúa. A intención do C.B. Arxil é instalar en Montero Ríos máis de 30 canastras na que ao longo da mañá deste mércores os escolares xoguen unha media de cinco partidos.

Trátase dun dos eventos deportivos que máis participantes atrae a nivel local, onde os nenos reciben unha camiseta conmemorativa, así como refrescos durante a competición.