Xa coñecemos o destino xeográfico das Fases Finais da Copa Galicia na súa categoría infantil. A Federación Galega de Baloncesto, unha vez recibidas en prazo e valoradas as diferentes solicitudes de organización, decide conceder a mesma a A.D. Bosco no caso masculino e a C.D. Bosco en feminino.
En virtude desta designación as localidades de Ourense e Vigo vivirán a vindeira fin de semana (18 e 19 de outubro) os encontros de semifinais, final e 3º e 4º posto de cadansúa correspondente fase final.
A continuación remitimos en documento axunto o calendario concreto que atinxe a cada categoría, salientando que a Fase Final infantil masculina terá lugar o sábado 18, sendo a masculina o domingo 19.
Fase Final Infantil Masculina: Ourense (organiza A.D. Bosco)
18/10/14 – Pavillón de Salesianos
Equipos: Bosco Salesianos “2001”, Estudiantes Lugo Leyma Natura, Sologas B.S. e Sigaltec.
Fase Final Infantil Feminina: Vigo (organiza C.D. Bosco)
19/10/14 – Pavillón Navia.
Equipos: R.C. Celta Selmark, Maristas Coruña, Ensino e Arxil Grupo Mas Costas.
