A Fase Final da XX Copa Galicia Sénior Feminina xa coñece o nome dos catro equipos que se verán as caras no Pavillón de Esteiro esta mesma fin de semana.
Completados na noite deste luns o total de encontros da súa Fase Previa, cunha vitoria de Ensino ante Universitario de Ferrol, a clasificación de ambos os grupos en liza nesta XX edición da Copa Galicia Sénior Feminina deixa como semifinalistas a: Feel Cortegada e R.C. Celta polo grupo A e a Durán Maquinaria Ensino e Universitario Ferrol polo Grupo B.
As de Vilagarcía e as de Lugo sitúanse nesta Fase Final como primeiras de cada grupo, encabezando así a orde dos enfrontamentos que darán vida á mesma, cuxa celebración, lembremos, está á volta da esquina. Será en Ferrol este venres e sábado, 12 e 13 de outubro.
O calendario definitivo queda establecido do seguinte xeito:
Fase Final – Pavillón Esteiro (Ferrol)
12/10/12 Semifinais
(18.30 h) Durán Maquinaria Ensino – Real Club Celta (X)
(20.30 h) Feel Cortegada – Universitario Ferrol (Y)
13/10/12 – Final
(19.00 h) Vencedor X – Vencedor Y
