– A axenda dos Clínics Zonais, que xa abriu Vigo no mes de agosto, continua en marcha esta fin de semana en Ourense e Lugo (o sábado, 14), Arousa e A Coruña (ambos, o domingo 15).
– Pola súa banda, os Comités de Ferrol e Santiago agardan a súa cita para o último terzo do presente mes de setembro.
A entidade que dirixe aos árbitros galegos aproveita o mes de setembro para realizar os seus Clínics Zonais de pretemporada, dirixidos aos árbitros de Grupo 2 e Grupo 3, e suscitados como continuación da actividade técnica celebrada recentemente en Santiago con todos os árbitros do Grupo 1 e sub23, coordinadores técnicos e informadores.
Con este obxectivo, os comités de Lugo, Arousa, Ourense e Coruña convértense en protagonistas desta parcela durante o actual fin de semana, recibindo ademais a visita do Director Técnico do CGAB, Miguel Ángel Pérez, que acudirá a Ourense e a A Coruña; e do Coordinador Autonómico do CGAB, Fran Guillamet, quen estará cos colexiados arousanos.
Probas físicas e test de regras centrarán os tres clínics, no que, á súa vez, transmitiranse as directrices acordadas no Clinic Autonómico do CGAB, celebrado o pasado 8 de setembro.
