O Clube Baloncesto Allariz, en colaboración co Concello de Allariz e a Federación Galega de Baloncesto, organiza e promove unha atractiva “Xornada de Baloncesto Formativo” guiada polo actual adestrador de Xuventude Baloncesto (LEB Plata), Miguel Ángel Hoyo.
Establecida para o vindeiro mércores, 23 de decembro, con sede no Pavillón Municipal da propia vila alaricana, o técnico galego, avalado pola súa ampla e exitosa traxectoria internacional, agrupará diferentes eixos temáticos dos que se poderá desfrutar tanto teórica como practicamente.
O programa completo marcado para esta iniciativa contempla o seguinte plan de materias e traballo en pista:
(10:00 h) Recollida de Documentación
(10:30 h) Adestramento Alevín: “Como adestrar o Tiro en Minibasket”
(11:45 h) Café Coloquio
(12:15 h) Adestramento Infantil Feminino: “Lectura do Xogo. Toma de decisións”
(16:15 h) Charla Técnica: “Metodoloxía nas categorías de formación”
(17:45 h) Xogo sen Balón: “O pase como nexo de unión”
Inscrición
Os adestradores interesados en ser parte desta “Xornada de Baloncesto Formativo” poderán facelo baixo inscrición previa. A súa solicitude debe realizarse vía mail (cballariz@hotmail.com) ou telefonicamente (698154832). A cota económica establecida para este proceso é de 10 euros.
Ademais, todos eles, se contan coa condición de alumnos actuais dos Cursos de Adestradores FGB, poderán validar a súa presenza na Xornada por un total de 6 HORAS de formación complementaria máis un CETI.
