Campionatos de España: Resultados Primeira Xornada 23/03/2013

Na xornada deste sábado, 23 de marzo, vivimos a 1º data dos Campionatos de España Infantil e Minibasket, citas con sede nas localidades andaluzas de San Fernando (Minibasket) e Chiclana e Puerto Real (Infantil). Consulta aquí os horarios e resultados dos encontros galegos:

XXX Campionato de España de Seleccións Infantís – 23/03/13

INFANTIL FEMININO – Grupo Especial A

(10.00 h ) (Pavillón Chiclana 1)
Galicia – Aragón (68 – 44)

Os nervios lóxicos do debut monopolizaron os primeiros minutos de encontro, xenerosos en imprecisións para ambos equipos. O dominio do rebote defensivo foi a mellor arma das nosas para anotar varias canastras que lles permitiron adquirir unha lixeira vantaxe. Con esta marxe a favor (16 – 12) terminaba o primeiro período no que a galega Ana María González sumaba 11 puntos.

No segundo cuarto, as galegas subiron as liñas defensivas e empezaron moito máis concentradas, recuperando balóns con facilidade. O equipo de Armando Otero anotaba rápidos contraataques e mantiña a distancia no marcador en torno aos 7-10 puntos. Únicamente despistes defensivos puntuais e a concesión de tiros cómodos, permitiu ás aragonesas recortar distancias no marcador para irse ao descanso con (36-29).

O regreso dos vestuarios facía patente o cansazo acumulado nas filas as aragonesas e, pola contra, as galegas, desterrados os nervios, atopábanse cada vez máis cómodas en defensa, en xeral, sobre a pista. Aos poucos íanse afastando no marcador, deixando o terreo claro de cara ao último período.

Neste, con vantaxe de case 20 puntos e o partido roto, o corpo técnico galego aproveitou para dar minutos a todas as xogadoras, dosificando o esforzo pensando no encontro da tarde.

(17.30 h) (Río San Pedro – P. Real)
Madrid – Galicia (84 -77)

Mal inicio galego nesta importante cita ante Madrid. As de Armando Otero tardaron en tomarlle a medida ao seu xogo e permitiron, desde ben pronto, que as madrileñas anotasen con demasiada facilidade. As nosas xogadoras tiveron que botar man do rebote ofensivo e do acerto desde a liña de tiros libres para non perder de vista ao equipo da capital, ben asentado en pista e cunha diferenza que roldaba os sete puntos ao seu favor.

A verdadeira reacción galega chegaba no segundo cuarto. As xogadoras de Armando Otero buscaban por fin a intensidade e a motivación e recortaban distancias. Ante esta nova Galicia, o técnico Madrileño, Carlos Otto, víase obrigado a solicitar o seu primeiro tempo morto. Pero as nosas resistían á perfección. O intercambio de canastras entre os dous equipos era constante e grazas a el as de Armando Otero rabuñaban novos puntos e reducían a súa distancia, chegando ao descanso cunha vantaxe mínima ao seu favor.

Na reanudación, o partido convertíase en todo un luxo para os afeccionados presentes no Pavillón. Un xogo moi intenso era centro de atención. As galegas eran exemplo de acerto exterior e boas saídas de presión con canastras fáciles. Madrid destacaba, pola súa banda, en tiros de 3, con catro rúbricas dun total de cinco intentos. Estes movementos xeraban unha lixeira vantaxe que bailaba no marcador a favor dunhas e doutras, deixando completamente aberto o destino do último cuarto.

Restaban só dez minutos para o asubío final e os dous equipos sabían do importante da vitoria, polo que durante os primeiros compases medían ao milímetro os seus pasos. O partido estaba igualado, pero foi a falla de 3 minutos cando unha decisiva perda de balón galega, con canastra máis tripla das madrileñas, frustraba as posibilidades das nosas que, malia todo, pelexaron ata o final.

INFANTIL MASCULINO – Grupo Especial A

(12.00 h) (Pavillón Chiclana 1)
Galicia – Canarias (39 -88)

Os de Ángel Castro sairon á pista bastante concentrados e sen medo pese a ter enfrente á seleccion con máis altura de este Campionato. O marcador no primeiro cuarto foi bastante parello, pero sempre cunha lixeira vantaxe de 4-6 puntos a favor dos isleños. (12-16 ao remate do primeiro cuarto).

Os rebotes ofensivos do rival e as perdas de balón galegas, 11 e 10 respectivamente, monopolizaron o xogo nos segundos dez minutos. Galicia contabilizaba cada vez menos posesións e menos tiros, poñendo o trunfo canario moi cerca (22-34, ao descanso)

A volta á pista dende vestiarios resultou demoledora para os intereses galegos. O equipo Canario, moi superior fisicamente ao cinco galego, rompía por completo o electrónico cun parcial de 4-33 ao seu favor. Galicia lotaba por aguantar pero o panorama non era o idóneo e a diferencia tornábase, de xeito definitivo, en insalvable.

(19.30 h) (Río San Pedro – P. Real)
C. Valenciana – Galicia (62 – 47)

O mal inicio do partido foi determinante para o resto do encontro. Os galegos sairon á pista amosando pouca actividade fronte a unha selección valenciana moi metida no encontro desde o salto inicial. O primeiro periodo sería o reflexo do que viría despois. (22-8)

No segundo cuarto os nosos empezaron a estar máis centrados, pero non o suficiente como para remontar a diferencia de puntos que se acumulou no primeiro periodo. A razón: o gran numero de perdas de balón (11 en total neste segundo tempo).

Ao regreso do descanso, e cun 38 -23 en contra no marcador, Galicia amosou a cabeza e forzou un intento de cambiar o ritmo de partido subindo as defensas e tratando de correr. A intentona non resultou, e as diferencias mantíñanse (53 – 35).

O derradeiro cuarto foi o mellor dos nosos, e no único que se acadou un vitoria parcial (9-12), lastrada, de novo, polas perdas de balón e os erros dende a liña de tiro libre.

As perspectivas galegas recaían en derrota. Deixando tempo para recuperarse de cara aos novos encontros do Campionato, que serán decisivos.

XXVI Campionato de España de Seleccións Minibasket – 23/03/13

MINIBASKET MASCULINO – Grupo Preferente D

(13.30 h) (Pavillón Bahía Sur)
La Rioja – Galicia (92 – 55)

Estrea agridoce da Selección Galega mini Masculina. Pese aos nervios e algúns problemas en axustes defensivos, os galegos afrontaron a primeira parte do partido cunha boa actitude e visible esforzo, cualidades que os levaron a manterse preto no marcador durante toda a primeira parte, chegando ao descanso so con 7 puntos abaixo.

Ao comezo do cuarto sexto, os xogadores de La Rioja saíron en tromba e, tras unha serie de balóns perdidos dos galegos, conseguiron abrir unha brecha no marcador, que, co paso dos minutos, materializaríase en insalvable. A partir deste intre, a concentración da que fixeran gala os galegos durante toda a primeira parte desapareceu por completo. Sen ningunha resistencia, La Rioja fíxose co ritmo do partido ata firmar o abultado 92-55 final.

MINIBASKET FEMININO – Grupo Preferente C

(15.30 h) (Pavillón Compañía de María)
Ceuta – Galicia (9 – 59)

Galicia deixou ver ou seu bo xogo desde ou minuto cero. O primeiro sexto foi a toma de contacto axeitada, propicia asinar un parcial de 5-15 que deixaba clara a súa superioridade.

Nesta liña positiva foi crecendo no encontro, dominando a posesión, os rebotes, e as recuperacións. As ceutís non conseguiron entrar en competición e o duelo foi cada vez máis claro a favor das galegas, quenes xa pecharon acta ao remate do terceiro cuarto.

O descanso serviu para arranxar e corrixir pequenos erros. Desterrada a falla de concentración, a segunda metade foi aínda máis rica en intensidade, perfilando a imaxe galega e incrementando a vantaxe, unha tendencia que proseguiu á alza ata o derradeiro sexto.

Nos últimos instantes, evidenciáronse problemas no tiro baixo aro e nas recuperacións de balón, sinais da necesidade de mellorar e seguir crecendo nas vindeiras xornadas deste Campionato de España.

Comparte:

Facebook
LinkedIn
Email
WhatsApp
Telegram