A Federación Española de Baloncesto da a coñecer neste martes, 10 de marzo, o calendario do Campionato de España Infantil de Seleccións Autonómicas, a celebrar en Zaragoza entre os vindeiros días dous e cinco de abril.
Con Galicia a falla de determinar as súas selección definitivas e con tres concentracións de adestramento a levar a cabo antes de acometer o campionato, hoxe coñecemos a información relativa aos que serán os rivais galegos en primeira instancia.
No apartado masculino, competindo en categoría Preferente, Galicia compartirá pista na fase previa con Melilla, Murcia, Cantabria e Ceuta. No caso feminino, no esixente grupo Especial, as seleccións contrincantes serán Canarias, Andalucía, Comunidade Valenciana e Castilla León.
Infantil Feminino (Especial B)
Xornada 1: Canarias
Xornada 2: Andalucía
Xornada 4: Comunidade Valenciana
Xornada 5: Castilla León
Infantil Masculino (Preferente C)
Xornada 1: Melilla
Xornada 3: Murcia
Xornada 4: Cantabria
Xornada 5: Ceuta
No documento oficial do Calendario detállanse datas, horas e pavillóns de xogo para ambas as nosas Seleccións no que se prevé de novo como un gran Campionato de España.
