Cambados sortea o calendario do Infantil Masculino

(Info: FEB) Cambados e Vilanova de Arousa vivirán, do 11 ao 17 de xullo, o Campionato de España Infantil Masculino cos 32 mellores equipos do país. Sete días de baloncesto de futuro cuxo calendario sorteouse este martes.

Maristas Coruña, Instituo Rosalía e Estudiantes Lugo Leyma Natura serán os representantes autonómicos nesta cita, que se estenderá entre o 11 e o 17 de xuño.

32 equipos, case 400 xogadores e un gran impacto social e económico na zona. O Campionato de España Infantil Masculino volve celebrarse en terras galegas; nesta ocasión nas localidades pontevedresas de Cambados e Vilanova de Arousa.

Este martes celebrouse o sorteo no Salón de Plenos do Concello de Cambados coa presenza da ex xogadora internacional e directora da Oficina Permanente das Ligas FEB, Elisa Aguilar; e o presidente da Federación Galega de Baloncesto, Francisco Martín Micó.

Os tres primeiros dos Grupos A, B, C e D clasificaranse para oitavos de final xunto aos líderes dos Grupos E, F , G e H. A partir de cuartos de final o O Pombal de Cambados será escenario de todos os encontros. O Real Madrid defende o título conquistado o ano pasado en Lugo e opta ao triplete logo dos títulos no Júnior de Bilbao e o Cadete de Lleida.

Os grupos quedaron establecidos desta forma co calendario que se achega. 

Calendario: XXXVIII Campionato de España de Clubs Infantil Masculino

Comparte:

Facebook
LinkedIn
Email
WhatsApp
Telegram