As tres localidades da costa da provincia de Lugo acollerán este nacional de clubs, competición a celebrar entre o sete e o trece de maio de 2017.

O Campionato de España de Clubs en categoría Júnior feminina despregará o seu baloncesto en tres localidades lucenses neste 2017: Burela, Viveiro e San Ciprián.

Coa colaboración directa de Estudiantes Lugo e FGB na organización desta cita, e co indispensable soporte dos tres Concellos implicados, así como dos clubs locais (C.B. Viveiro, C.B. Burela e Basket San Ciprian), o mellor baloncesto base feminino buscará ao seu campión en terras lucenses desfrutando dun percorrido por estas tres vilas, dotadas de ampla capacidade para artellar un evento destas características.

Burela, San Ciprián e Viveiro terán a oportunidade de dar a coñecer os seus atractivos aos numerosos afeccionados que, chegados de toda España, visitarán esta zona para desfrutar, ademáis do basket, da consolidada oferta turística dos tres escenarios.