Boiro presenta o Campionato Galego de Clubs 3X3 U17

A Concelleira de Deportes de Boiro, Dores Torrado; e o Presidente FGB, Julio Bernárdez, presentaron en sede do consistorio o Campionato Galego de Clubs 3×3 U17.

A competición terá lugar o próximo 17 de maio no no Pavillón CEIP Santa Baia.

Ao acto acudiron tamén Susana Fernández, Secretaria Xeral FGB; Francisco Alonso, Presidente do CB Santa Baia; e Guillermo Outeiral, Coordinador Deportivo do Club. 

Boiro será a sede do Campionato Galego de Clubs 3×3 U17. Baixo a organización do CB Santa Baia en colaboración co Concello de Boiro, a primeira edición deste campionato autonómico 3×3 celebrase o 17 de maiono Pavillón CEIP Santa Baia.

O Presidente FGB; Julio Bernárdez,agradeceu o compromiso de CB Santa Baia e Concello de Boiro co 3×3 e con este Campionato “un dos primeiros deste modelo competitivo que imos celebrar en Galicia.”. “O Futuro do Baloncesto pasa en gran parte polo 3×3”, especialidade “moi importante para  a Federación Galega de Baloncesto xa que entendemos que a permite, dentro da ideosincrasia xeografica galega, a promoción da práctica do Baloncesto” .

O máximo responsable FGB recoñeceu tamén a súa satisfacción pola acollida ecompromisodos equipos inscritos no Campionato, inmersos nunha etapa da temporada con moita actividade.

Dores Torrado, agradeceu o traballo que tanto CB Santa Baia como a Federación Galega de Baloncesto están a facer no deporte de base e en inculcar valores como a educación e o respecto e, concretamente, no apoio a esta modalidade “que está a ser un referente para os rapaces e rapazas que se inician no baloncesto no noso concello”.

O Director Deportivo do CB Santa Baia, Guillermo Outeiral remarcou as características do 3×3: “unha modalidade moi dinámica e atractiva, que se xoga a media pista, con so unha canasta e que vai servir para dar unha maior visibilidade ao deporte do baloncesto ao municipio”.

A competición

A competición celebrarase o 17 de maio no Pavillón CEIP Santa Baia. Participarán 5 equipos en categoría feminina e un total de 13 en masculina, contando cun representante do Club anfitrión, CB Santa Baia, en cada categoría. Os equipos que resulten Campións e Subcampións Galegos obterán praza no Campionato de España desta categoría 3×3 U17 (Mallorca, do 9 ao 11 de xuño). O Calendario de xogo publicarase en vindeiras datas.

U17 Feminina –  Clubs participantes: Jealsa CB Santa Baia, Cafés Candelas Ensino, Institutos de Compostela Xunta de Galicia, Estudiantes Lugo Rio de Galicia e PBB.

U17 Masculina – Clubs participantes: Jealsa CB Santa Baia, Nexo 8 ETT Novobasket, Marín Peixe Galego, Cafés Candelas Ensino,  Estudiantes Lugo Rio de Galicia (2 equipos), CB Rianxo (2 equipos), Sociedad Deportiva Tui, Institutos de Compostela Xunta de Galicia, EDO Blanco Amor, PBB e Seis do Nadal.

Comparte:

Facebook
LinkedIn
Email
WhatsApp
Telegram