Nova cita coa "Aula Formativa do Adestrador Galego"
Venres, 03 Marzo 2017 17:17
A "Aula Formativa do Adestrador" non detén o ritmo. Tras estrear temporada o pasado 28 de febreiro en Redondela, a Área Deportiva FGB convoca ao adestradores galegos a unha nova oportunidade didáctica, a celebrar en Allariz (Polideportivo Municipal Allariz) o vindeiro domingo, 12 de marzo; da man de Concello local e C.B. Allariz.
Nesta ocasión, esta nova “Aula” combinará a teoría e practica con dúas charlas protagonizadas polos técnicos Pablo Abuín e Manu Santos, os cales, en horario de tarde, abordarán dúas temáticas diferentes:
(17.00 h) “Mellorar un grupo dende o enfoque ofensivo” (Pablo Abuín).
(18.30 h) “Metodoloxía Defensiva cara a construción táctica” (Manu Santos).
Inscrición e validación
Os interesados participar nesta dobre sesión poderán facelo previa solicitude vía mail a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. remitindo no mesmo: datos persoais, club de procedencia e título da “Aula” en cuestión. O proceso para inscribirse remata o vindeiro dez de marzo.
Así mesmo, e como vén sendo habitual, os alumnos dos cursos de adestradores FGB que participen nesta Aula poderán validar a súa asistencia por un total de oito horas de formación complementaria e un CETI.
