Segunda convocatoria para o “Seminario Monográfico“ promovido pola Área de Adestradores FGB. Tras o éxito de participación e interacción recollido tras a súa sesión inaugural, celebrada en Cambados o pasado 12 de outubro; chega a segunda cita presentada neste marco didáctico, nesta ocasión coa “METODOLOXÍA” como eixo referencial.
A cita está programa para o vindeiro un de novembro, buscando reunir en Ourense (Colexio Maristas, de 10.30 h a 14.30 h) a todos os adestradores galegos que desexen reforzar os seus coñecementos e a súa praxe no ámbito metodolóxico.
Esta tarefa poderán levala a cabo da man de dúas charlas prácticas e coloquio posterior entre todos os presentes. O programa en cuestión estará protagonizado por dous adestradores, colaboradores habituais da dinámica formativa FGB: Carlos Maceiras (Profesor Escola de Adestradores FGB) e Miguel González (Adestrador Axudante Club Ourense Baloncesto – LEB Oro).
Inscrición
Os adestradores interesados en tomar parte deste “II Seminario Monográfico” poden inscribirse vía mail (adestradores@fegaba.com) indicando datos persoais, club de referencia e título da actividade. A data límite para materializar esta acción está marcada para o luns, 31 de outubro (ás 14.00 h).
Validación
No ámbito das validacións formativas para os alumnos dos cursos de Adestradores FGB, este “II Seminario Monográfico” computarase
por un total de 8 HORAS de formación individual complementaria e a asistencia a un CETI (Centro de Tecnificación).
