A Delegación FGB en Arousa arrinca este sábado, 4 de outubro, a súa aposta formativa zonal orientada aos adestradores no seu nivel de iniciación e que se desenvolverá, integramente, durante as dúas primeiras fins de semana de outubro.
A notable cifra de 32 alumnos tomará parte desta convocatoria con sede no Pavillón de FEXDEGA (Vilagarcía de Arousa) e inicio disposto para as 10:00 h do indicado sábado 4.
O horario completo das catro xornadas do Curso (4, 5, 11 e 12 de outubro), así como o profesorado definitivo das mesmas, poden consultarse no documento que se achega. Así mesmo, e de cara ás posibles consultas que poidan xurdir, permanece activa a atención aos inscritos na propia Delegación Zonal.
