A Federación Galega de Baloncesto comunica o formato, datas de xogo e prazas dispoñibles para as diferentes Fases de Ascenso ás Ligas de 1º división FGB: júnior, cadete e infantil.
Datas e sede confirmadas para a Fase Final da XXXIV Copa Galicia Sénior Feminina. A Federación Galega de Baloncesto, coa colaboración directa de Concello de Marín e Marín Peixe Galego, levará a disputa definitiva da competición copeira ata esta vila.
Co Pavillón da Raña como pista de xogo, terá lugar unha fase final que esta temporada, marcada pola situación sanitaria, presenta un calendario repartido en meses diferenciados.
A Federación Galega de Baloncesto, unha vez consultada a súa Comisión Delegada sobre este punto e valorando a actual situación, comunica a aprobación da ampliación dos prazos de inscrición para as seguintes categorías:
A Federación Galega de Baloncesto, tras a súa aprobación por parte da Secretaría Xeral para o Deporte, publica a actualización do seu Protocolo FISICOVID-DXTGALEGO.
A chegada de outubro abrirá a disputa da XXXV Copa Galicia Sénior Masculina. A edición 2020 da competición copeira da Federación Galega de Baloncesto comezará neste mes de outubro que entra, e en virtude da situación sanitaria e competitiva excepcional desta temporada, deixará a súa data final para o próximo xaneiro de 2021.
A Federación Galega de Baloncesto, tras reunión da súa Xunta Directiva celebrada na tarde do martes, 22 de setembro; desexa comunicar os seguintes puntos aclaratorios de cara ao presente e futuro escenario para o Baloncesto Galego:
A Federación galega de Baloncesto, tras solicitar autorización correspondente á Secretaria Xeral para o Deporte para a disputa da Copa Galicia en categoría Sénior, e recibir da mesma as instrucións precisas relativas ao protocolo concreto a seguir xunto coas indicacións e requirimentos obrigatorios que deberán complementar este, pon en marcha a organización da competición.
Na mañá do día de onte, venres, 18 de setembro; recibimos a nova da publicación no Diario Oficial de Galicia dunha importante modificación nas medidas de prevención previstas para facer fronte á crise sanitaria que estamos e a vivir. Esta actualización oficial incide directamente na práctica deportiva federada en Galicia, e por tanto no noso Baloncesto Autonómico.
O deporte galego está a pasar por un dos momentos máis difíciles da súa historia. A incidencia da COVID-19 na nosa sociedade provocou un escenario económico incerto e repleto de novos retos para todas as entidades e organismos que pelexan no día a día para promocionar algo tan esencial e saudable nas nosas vidas como é a práctica deportiva.
40 alumnos, forzas renovadas e profesorado de calidade para unha nova temporada formativa no Centro de Actividades Deportivas(CAD) Manuel Peleteiro – FGB. O Curso 2020 - 2021 para este proxecto formativo conxunto da Federación Galega de Baloncesto e o Colexio Manuel Peleteiro, nado en 2018; arrinca este domingo, 13 de setembro; e faino de xeito presencial entre rigurosas medidas de control sanitario e respectando os protocolos precisos.
A Federación Galega de Baloncesto, encabezada polo seu Presidente e representada por todo o seu persoal directivo, administrativo e deportivo, desexa amosar as súas máximas condolencias polo falecemento de Rogelio Bermúdez. Toda unha referencia e lenda para o Baloncesto Ferrolá e, en extensión, para todo o Baloncesto Galego, Rogelio deixa no noso recordo unha pegada imborrable.
A Federación Galega de Baloncesto continúa traballando para poder volver a vivir coas máximas garantías, unha nova temporada que agardamos poida comezar pronto e sempre con toda a seguridade e cumprindo os protocolos.
Queremos desfrutar do que máis nos gusta, e facelo entre todos.
Presencia galega no equipo arbitral da Supercopa LF Endesa. A colexiada Paula Lema estará os vindeiros 12 e 13 de setembro en Bilbao formando parte do grupo de sete colexiados que dirixirán os encontros desta fase final.
A FGB proseguirá co seu horario actual de atención ao público nas súas sedes físicas ata o vindeiro 30 de setembro.
Ante o aprazamento de toma de decisións por parte das administracións (CSD-FEB-SXD...) con respecto ao regreso ás competicións, a Xunta Directiva desta Federación comunica que apraza a reunión telemática xa anunciada que iba a ter lugar en breves datas, e na que desexábamos que todos os integrantes do baloncesto galego (clubs, xogador@s, adestrador@s, árbitr@s...) puideran expresar as súas inquedanzas e estiveran informados de primeira man por esta Federación.
Os protocolos dos eventos deportivos deberán axustarse, con carácter mínimo, aos requirimentos que sexan de aplicación á concreta modalidade deportiva segundo o establecido no protocolo FISICOVID-DXTGALEGO
Cítanse dentro de quince días para, na medida do posible, comezar a implementar novas medidas que permitan avanzar cara a recuperación da normalidade na práctica deportiva galega
O Comité Galego de Árbitros abre a temporada 2020 - 2021 coa convocatoria do seu Clínic de Pretemporada. Esta actividade, xa tradicional, celebrarase alternativamente os vindeiros 29 e 30 de agosto e farao marcada pola realidade sanitaria, ofrecendo un formato diferente ao de anteriores anos.
Co obxectivo primordial de poder cumprir os protocolos sanitarios pertinentes, a edición 2020 do Clínic dividirase en tres localizacións diferentes e alternará contido online e parte presencial, sempre que a situación sanitaria e as directrices das institucións pertinentes o permitan nesas datas. Lugo (o 30 de agosto), Santiago e Vigo (o 29 de agosto en ambos os casos) son as tres sedes elixidas. Nelas repartiranse por proximidade xeográfica os 68 árbitros que integran os Grupos 1, Dispoñibles do Grupo 1 e Grupo Sub 23 do propio CGAB.
A Federación Galega de Baloncesto segue coa maior atención a evolución da situación sanitaria actual na busca de marcar os criterios de inicio da temporada autonómica 2020 - 2021, vinculados estes ás decisións e directrices que se tomen por parte das Institucións sanitarias e deportivas pertinentes. A través dunha intervención que vos traslamos en imaxes, o Presidente FGB, Francisco Martín, detalla o contacto directo e continuo que mantén coa Federación Española de Baloncesto, e a importancia, nesta liña, dunha data, a do 24 de agosto. Neste día está marcada unha reunión entre o Consello Superior de Deporte e Federacións de Deportes que implican contacto.
