Deporte Galego

Santiago acolle este Sábado a Final do Circuíto “3X3 FGB”

  • 23 Xuño 2022 |

- A Praza Exterior do Centro Comercial Área Central será o escenario este sábado, 25 de xuño; da Serie Final do noso circuíto “3×3” FGB.

- Nesta Serie Final do «3×3 FGB» participarán os 14 mellores equipos clasificados tras a disputa de dúas series previas de A Coruña e Ourense.

- O equipo gañador do circuíto "3x3 FGB" farase cun premio de 2000 €.

A competición 3×3 da Federación Galega de Baloncesto chega a Santiago de Compostela para a celebración da súa gran Final. Este sábado, 25 de xuño; o Circuíto 3×3 da Federación Galega de Baloncesto convertirase en protagonista na Praza exterior do Centro Comercial Área Central. Dúas pistas de Baloncesto 3x3 instaladas para a ocasión acollerán esta serie decisiva, que virá tamén acompañada da ambientación de Djs e de Música en directo cun concerto gratuíto (18:30 h) do artista galego de música urbana "O Pirata".

A Competición
Esta parada en Santiago da Final do circuíto "3x3" da Federación Galega de Baloncesto estará conformada por 14 equipos integrados por xogadores e xogadoras nadas en 2005 e anos anteriores. A xornada de xogo estenderase durante todo o día, en quendas de mañá e tarde para, tras as eliminatorias, coñecer ao campión de Serie no encontro final marcado para as 20:30 h

Un representante de cada equipo terá tamén a oportunidade de participar nun Concurso de Tiro que porá en xogo a súa habilidade ante a canastra.

Premios
Esta Serie Final do 3×3 da FGB contará con importantes premios en metálico para os seus catro mellores equipos. O máximo galardón, valorado nun total de 2000 €, recaerá no equipo campión abrindo así un palmarés que se completa cos seguintes recoñecementos:

Subcampión Final: 1000 €
Semifinalistas: 300 €

volver arriba

Colaboradores Institucionales

 Concello de Santiago LOGO NON  Captura de pantalla completa 30032016 181327  158573631 3698522630239682 385709146731840444 n concello novo  Captura de pantalla completa 28042016 194652    dgan
lugo

logo-deputacion-ourense

 

logo DEPUTACION PONT Deputación da Coruña logouvigo
 

 


   

Colaboradores FGB

  balon oficial 

gadis

 

ence