A organización da XXXVII Copa Galicia Sénior Masculina activa a venda de abonos para a Fase Final.
A venda de abonos realizarase ata o día 6 de setembro, data na que se habilitará o acceso ás entradas de cada xornada de xogo.
A acción de compra pode realizarse a través da plataforma https://entradas.lugoebasket.es/
A Asociación Xuvenil Sagrado Corazón, organizadora da inminente XXXVII edición da Copa Galicia Sénior Masculina; abre a venda de abonos para a Fase Final da competición, que terá lugar os vindeiros 15 e 17 de setembro no Pazo dos Deportes de Lugo.
A través da plataforma virtual https://entradas.lugoebasket.es/ pode accederse xa, e ata o día 6 de setembro á indicada venda de abonos. A partir desa mesma data, habilitarase o acceso á compra de entradas para cada xornada.
Para este proceso detállanse 4 zonas diferenciadas (Miño Gris, Lugo Gris, Miño/Lugo non Gris e Fondos) no Pazo dos Deportes as cales contan con prezos distintos para maiores e menores de idade.
Calendario Copa Galicia
Sede: Pazo dos Deportes – Lugo
15/09/23 – Semifinais
(18:00 h) Monbus Obradoiro – Leyma Básquet Coruña
(20:30 h) Río Breogán – Club Ourense Baloncesto
17/09/23 – 17:15 h – Final
