Esta nova edición será puntuable para o I Circuito Galego 3×3 e para o FIBA Planet 3×3, cuxa Fase Final terá lugar en Santiago de Compostela (Praza da Quintana) o vindeiro 10 de setembro.
Como en edicións anteriores haberá tres categorías: minibásquet, infantil/cadete e júnior/sénior. A temporada pasada participaron un total de 47 combinados no evento.
(Info: Seis do Nadal Coia) Os vindeiros 19 e 20 de agosto o Club Baloncesto Seis do Nadal – Coia organizará a Sexta Edición do Torneo de Baloncesto 3×3 nas pistas do Colexio Seis do Nadal.Despois das exitosas experiencias das pasadas edicións do Torneo de Baloncesto 3×3, o Club Baloncesto Seis do Nadal Coia organizará neste comezo de tempada o 6º Torneo de Baloncesto 3×3 como pistoletazo de saída do curso 2016/17, e como gran novidade desta edición o torneo será puntuable para o I Circuito Galego 3×3 e para o FIBA Planet 3×3.
O Torneo 3×3 estará dividido en tres categorías: minibásquet, infantil-cadete e júnior-sénior. A categoría minibásquet e a categoría infantil-cadete xogarán sendos torneos 3×3 paralelos o venres 19 de agosto do 2016 en xornada de tarde; mentres que a competición do torneo 3×3 de categoría júnior-sénior será o sábado día 20 de agosto do 2016 ao longo de todo o día. Os horarios de cada categoría se publicarán unha vez peche o prazo de inscrición.
Os conxuntos deberán estar formados por cinco xogadores como máximo, tres como mínimo, e poderán ser combinados masculinos, femininos e mixtos sempre respetando as idades das categorías do campionato que serán as categorías desta nova tempada 2016/2017. Nesta Sexta Edición do Torneo de Baloncesto 3×3 do Club Baloncesto Seis do Nadal Coia haberá premios para os combinados campións de cada categoría, detalles que se darán a coñecer en próximas datas.
Inscrición
Os equipos que desexen participar no torneo deberán enviar un correo electrónico a areadeportiva@seisdonadalcoia.com antes do próximo luns día 15 de agosto do 2016 indicando:
– Nome e categoría do equipo participante.
– Nome, apelidos e data de nacemento de tódolos integrantes do equipo (mínimo 3 e máximo 5).
– Responsable do equipo e móbil de contacto.
As inscricións aceptaranse por rigoroso orde de inscrición ata completar o número máximo de equipos en cada unha das categorías. A confirmación da praza nesta Sexta Edición do Torneo de Baloncesto 3×3 será comunicada a través do correo electrónico facilitado ao facer a inscrición. As cuotas simbólicas de participación recolleranse antes do primeiro encontro de cada equipo no campionato.
