A Vilagarcía Basket Cup 2014 deu a coñecer esta mañá de martes, de xeito oficial, os seus horarios para a presente edición, que lembremos terá lugar desde o mércores 16 ata o sábado 19 de abril.

Torneo sub 18
No que respecta ao Torneo sub 18, o mércores 16 ás 18h España enfrontarase a Arxentina. O xoves 17, disputarase o partido Arxentina – Francia e, finalmente o venres, tamén ás 18h, xogarase o España – Francia.

O xoves ás 19:45 será o concurso de mates e o venres á mesma hora farase entrega dos premios desta 19ª Edición a España e Francia.
O acto de clausura será o sábado ás 18:45h.

VBCup Future Stars
En VBCup Future Stars o pistoletazo de saída será o xoves. De 14:00 h a 15:45 h será o primeiro bloque de partidos VBCup Future Stars, que se prolongará ao longo dese día e as dúas xornadas posteriores.

Un total de 48 equipos competirán no Future, 16 por cada categoría que estará formada por oito equipos femininos e oito equipos masculinos.

O xoves, de 16:00 h a 18:30 h celebrarase os Concursos de tiro e habilidades para infantís, cadete e júnior en pista especial. O venres 6 de 11:00 h a 12:45 h será o segundo concurso de tiro e habilidades para equipos infantil e cadete masculinos. O motivo polo cal a organización o promove en dous días é que é imposible que todos poidan participar nunha soa xornada. Posteriormente farase a mesma competición cos equipos infantil e cadete femininos.

O sábado, de 15:00 h a 18:15 h xogaranse as Finais das 3 categorías VBCup Future Stars e a entrega de premios será na clausura do torneo.

Categoría alevín e benxamín
En categoría alevín daranse cita un total de 24 equipos. 16 de nenas e 8 de nenos e, en categoría benxamín xogarán 32 equipos: 16 masculinos e 16 femininos.

O torneo benxamín empezará o mércores e no mesmo día celebraranse as competicións de tiro e habilidades para esta categoría.
Pola súa banda, os alevíns debutarán na VBCUP 14 o xoves.

Para rematar, e do xeito habitual nesta cita, contarase cunha zona lúdica para os máis pequenos e unha chea de sorpresas que só se poderán coñecer se se visita Fexdega en Semana Santa.