A Situación Actual do Minibasket Galego, a debate

A “I Xornada de Harmonización do Minibasket Galego” quenta motores a un día da súa posta en marcha. Todo está preparado para que este domingo, 17 de marzo; os diferentes actores desta categoría se reúnan en Compostela (Colexio Manuel Peleteiro) co obxectivo de afondar na súa actual situación.

E precisamente baixo esta liña, a “I Xornada” ofrecerá a posibilidade de abrir debate co formato de “mesa redonda”. Será en horario de 15.15 h a 17.00 h e a mesma contará coa voz e a perspectiva institucional da FGB, da man do seu máximo representante, Francisco Martín.

O Presidente da Federación intercambiará opinións con Juan Carlos Castro, Director Técnico do C.B. Breogán; e con José Luis Guede, adestrador superior e profesional do ámbito da educación. Os tres entrelazarán as súas impresións sobre o estado presente do Minibasket, para, posteriormente, abrir oco ás preguntas, solicitudes e inquedanzas do público asistente.

Configurarase, polo tanto, unha reflexión común sobre os camiños que debe seguir o baloncesto mini na nosa Comunidade, actuando como moderador deste compendio de visións o Director da Área Deportiva FGB, Carlos Colinas.

As conclusións extraídas desta particular cita enriquecerán esta “I Xornada” e, de seguro, abrirán novas vías ao avance do baloncesto base dos nosos días.

“I Xornada de Harmonización do Minibasket Galego” – Programa Completo

Comparte:

Facebook
LinkedIn
Email
WhatsApp
Telegram