A Parcela formativa FGB segue a fortalecer o seu mecanismo. Nesta liña, unha nova convocatoria para os adestradores galegos farase real este mesmo venres, 1 de maio.
Co Minibasket como núcleo e máxima referencia, e en forma de Obradoiro Teórico – Práctico, a FGB reunirá este venres en Vilagarcía de Arousa (Pavillón Instituto Carril) a catro experimentados adestradores superiores que actuarán como guía dunha xornada orientada, na súa base, á totalidade de alumnos dos Cursos de Iniciación da vixente temporada.
Cristino Menor (Director Deportivo en Estudiantes Lugo), Alberto Pérez (Seleccionador Galego Minibasket Masculino 14/15 e adestrador en Liceo Casino), Maísa López (na disciplina no C.B. Sarria) e Cuco Rodríguez (Preparador Físico en C.B. Arxil LF2) conformarán o equipo de técnicos que entre as 10:00 h e 14:00 h do citado venres outorgarán o carácter didáctico a un programa mixto, aula e pista. Gracias a eles, nesta novidosa cita non faltará o habitual e enriquecedor intercambio de experiencias do que, ademais, poderán ser testemuña todos os adestradores galegos que así o desexen.
Participación aberta
A Área Deportiva FGB estende a posibilidade de ser parte deste “Obradoiro Específico” a todos os técnicos da nosa Comunidade. O requisito a cubrir neste caso é a solicitude previa de asistencia mediante envío de mail a adestradores@fegaba.com. Esta inscrición tramitarase completamente de balde.
O proceso de validación de HORAS de FORMACIÓN COMPLEMENTARIAS tamén estará activo nesta ocasión computando un total de SEIS horas para aqueles alumnos de Nivel 1 e Nivel 2 que participen do Obradoiro.
