A Liga Sub 22 masculina celebrou esta fin de semana, 9 e 10 de xuño; a súa decisiva rolda final. Repartindo o xogo en dúas sedes diferenciadas, o protagonismo principal recaeu o sábado coa desputa no Concello de Boiro (Pavillón Santa Baia) das cruces de semifinais e final.

Contando coa organización de Concello local, Club Santa Baia e Cenor Obradoiro, equipo en liza nesta cita final co título en xogo; a concentración do sábado serviu para dilucidar quen se convirtía en campión da categoría. As opcións, repartidas de inicio por igual entre Baloncesto Narón, Ponferrada, Club Ourense Baloncesto e, o xa citado, Cenor Obradoiro; xogaron a favor de este último, quen se fixo co campionato, celebrándoo na súa propia casa. 

Obradoiro e Ponferrada, finalistas; pechando a Liga 2017 – 2018 con foto conxunta

Os resultados rexistrados deixaron o seguinte cadro clasificatorio:  

Boiro (Pavillón Santa Baia) – 09/06/18

(10:30 h) Baloncesto Naron – CENOR Obradoiro (X) (63 – 96)

(12:30 h) Ponferrada – Club Ourense Baloncesto (Y) (67 – 64)

(17:30 h) Baloncesto Naron -Club Ourense Baloncesto (3º – 4º) (84 – 71)

(19:30 h) CENOR Obradoiro – Ponferrada (FINAL) (84 – 74)

Pola súa banda, a franxa dominical queda reservada para a desputa do 5 º e 6º posto desta Liga 2017 – 2018. Neste caso, a convocatoria será en Ourense en dobre quenda, mañá e tarde.

Ourense (Pavillón Salesianos) – 10/06/18

(00:00 h) Descansa – Bosco Salesianos (X)

(12:00 h) Santo Domingo Betanzos – Club Baloncesto Costa Ártabra (Y) (70 – 79)

(17:30 h) Bosco Salesianos – Club Baloncesto Costa Ártabra (5º – 6º) (64 – 65)

Liga Sub 22: xornada final