Segunda sesión da temporada na ESGAR. A Escola Galega de Árbitros da Federación Galega de Balocnesto regresa a acción e sumará este xoves, 28 de novembro; a súa segunda convocatoria da 2019 – 2020.
ESGAR 2019 – 2020: Galería de Imaxes
Composta por un total de 22 colexiados de entre 14 e 23 anos de idade, a ESGAR celebra o último xoves de cada mes, e así o fara ata o vindeiro maio de 2020, unha sesión de catro horas nas que combina formación teórica e práctica, dirixida en ambos casos polo colexiado ACB, Jacobo Rial.
Os alumnos e alumnas da Escola, todos eles árbitros con ampla proxección, desprázanse desde toda Galicia ata Santiago de Compostela para tomar parte destas aulas, que teñen como sede fixa o Instituto Eduardo Pondal.
A maiores da formación específica que recibirán, os 22 integrantes da ESGAR participarán, como peche de curso, na Fase Final das Ligas Preminibasket e Minibasket FGB, cita colofón de temporada.
