A engrenaxe formativa do CGAB, en crecemento

O Comité Galego de Árbitros segue a sumar conclusións positivas á súa memoria anual de traballo formativo, tarefa esta na que a última gran acción ven de desenvolverse durante a semana santa, no marco da VBCup 2013.

Coa presenza dun total de 28 colexiados zonais, propostos polos diferentes comités, a parcela técnica do FGB levou a cabo durante a VBCup 2013 un completo programa de seguimento co obxectivo de contribuír á formación dos colexiados participantes e detectar as súas posibilidades de incorporación, nun futuro, aos Grupo 1 e Sub23 do propio Comité.

Tres formadores técnicos do CGAB acompañaron aos colexiados e, ademais de observalos na súa labor propia de dirixir os encontros desta competición, fomentaron entre eles o espírito de convivencia, sendo esta a primeira ocasión na que os implicados puideron interactuar, in situ, con compañeiros de outros puntos xeográficos da nosa Comunidade.

As xornadas vividas os pasados 28, 29 e 30 de marzo no marco da Vilagarcía Basket Cup 2013 serviron pois para continuar abrindo camiño dentro do colectivo a novos colexiados, tanto técnica como persoalmente.

Comparte:

Facebook
LinkedIn
Email
WhatsApp
Telegram