A Delegación Zonal FGB en Vigo, seguindo os pasos xa marcados pola súa homónima en A Coruña, abre convocatoria para a celebración no presente mes de decembro dun novo curso de iniciación orientado a adestradores.
Neste caso as datas para a posta en marcha das aulas e sesións didácticas son: o 27, 28, 29 e 30 de decembro, mañá e tarde. Ao longo destes catro días completos levaranse a cabo as 32 horas lectivas precisas que esixe este nivel académico, o cal contará ademais cun profesorado de calidade.
A dinámica da convocatoria e do propio curso será a marcada pola Área Deportiva FGB para este estadio de iniciación, debendo consultar os interesados os requisitos concretos, tanto para a solicitude de inscrición como para a posterior parte presencial da actividade.
As persoas decididas a tramitar a súa participación ou consultar as súas dúbidas sobre esta nova convocatoria poden facelo xa a través da propia delegación zonal: delegacionvigo@fegaba.com
Igualmente, nos documentos que achegamos remítense o formulario de inscrición e as indicacións para levar a cabo o proceso de matrícula.
