As Delegacións Zonais de A Coruña e Ferrol promoven para este mes nova acción formativa, dirixida, en exclusiva, a todas aquelas persoas interesadas en comezar a súa aprendizaxe como adestradores.

Ambas as zonais FGB unen os seus esforzos e convocan un Curso de Iniciación para Adestradores, cita a celebrar os vindeiros días 22, 23, 24 e 25 deste presente mes de marzo.

A actividade presenta o tradicional esquema didáctico desta disciplina: 32 horas lectivas, repartidas, en función das súas características, entre as aulas e o Pavillón. (Centro Social Sagrada Familia, Pavillón Municipal Sagrada Familia e Pavillón da Sardiñeira, todas, neste caso localizadas en A Coruña).

No documento que se achega especifícase o horario que os alumnos deberán afrontar xornada a xornada, así como que profesionais serán os encargados de impartir cada materia.

Inscrición
As opcións de participación están abertas. As Delegacións implicadas permanecen dispostas a aclarar calquera tipo de dúbida ao respecto e animan aos interesados a formalizar a súa presenza antes do 18 de marzo, data límite para a inscrición.

Delegación A Coruña
981 269 694
delegacioncoruna@fegaba.com

Delegación Ferrol
981 322 255
delegacionferrol@fegaba.com