Debido á situación excepcional, a Comisión Delegada da FEB modificou as datas da celebración dos Campionatos de España 2020/21 disputándose durante o mes de xuño, coincidindo coas vacacións escolares de verán.
O Mini 2021 atrásase ao mes de xuño, aproveitando as vacacións escolares de verán. No canto da tradicional cita en Semana Santa, o Campionato de España de Minibasket de Seleccións Autonómicas disputarase en San Fernando do 25 ao 29 de xuño. O calendario publicarase o próximo 25 de maio. Os Campionatos de España de clubs tamén atrasan o seu calendario, para que se poidan disputar a liga Regular e as fases autonómicas. Nesta ocasión abrirá o pano o Infantil, tanto en categoría masculina como feminina, disputándose entre os días 12 e 18 de xuño. Enlazará co Cadete, que atrasa as súas datas ata os días 18-24 de xuño, e terminará a tempada co Campionato de España Junior, que se xogará do 24 ao 30 de xuño. A Comisión Delegada da FEB tamén atrasou a disputa das Fases Finais de 1ª División Feminina (do 17 ao 20 de xuño) e 1ª Masculina (que deberán estar finalizadas antes do 20 de xuño).
