Deporte Galego

En marcha o IV Certame de Debuxo para o Nadal: “GALICIA 2014”

  • 15 Novembro 2013 |

A Federación Galega de Baloncesto, ante a proximidade das festas do Nadal, promove por cuarto ano consecutivo a convocatoria do seu Certame de debuxo, especial para estas datas, e no que conta coa estreita colaboración de "la Caixa" e da Federación Española de Baloncesto.

Premiaranse os dous mellores traballos recibidos, destinando o primeiro deles a ser a imaxe da Federación Galega de Baloncesto na súa postal de Nadal.

A data límite para a entrega dos deseños e debuxos está marcada para o vindeiro 11 de decembro.

Co obxectivo de configurar o deseño da Postal que a FGB tradicionalmente envía durante o Nadal para felicitar a todos os clubs, institucións e afeccionados actívase a IV edición desta proposta creativa, que nesta ocasión ten un aliciente temático especial: a celebración do Mundial de Baloncesto 2014 en España.

Todos os xogadores e xogadoras galegas dende cadete ata Preminibasket poderán participar nesta actividade, enviando un debuxo e deseño persoal a través do que relacionen dúas temáticas: a vindeira celebración en España do MUNDIAL DE BALONCESTO 2014 e os mellores desexos deste NADAL 2013.

Premios - Agasallos
A Federación Galega de Baloncesto galardoará ao vencedor cun premio de material deportivo valorado en 100 euros, así como con dous agasallos especiais cortesía de “la Caixa” e Federación Española de Baloncesto.

O segundo clasificado recibirá, pola súa banda, un premio en material deportivo por valor de 60 euros, un exemplar do libro “50 anos de Baloncesto en Galicia” e un agasallo da Federación Española de Baloncesto. 

Os detalles ao completo desta convocatoria, que permanece aberta dende homexe mesmo, poden consultarse nas bases oficiais que se achegan.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka