Español Contacto Mapa web

Federación Galega de Baloncesto

Copa Galicia

A Copa Galicia nace en 1986 coa primeira edición da competición senior masculina. Na súa xestación participaron os equipos galegos que daquela formaban parte da chamada Primeira División Nacional de Baloncesto: eran o OAR Ferrol, o Club Ourense Baloncesto, o C.A.B. Obradoiro compostelán e mais o Breogán de Lugo. Francisco García Sánchez era entón o presidente da FGB.

O primeiro vencedor fora o Leite Río Breogán, que na actualidade é o club máis laureado da Copa Galicia ao quedar campión en once ocasións. Dende aquel ano, o torneo senior masculino celebrouse ano tras ano sen interrupción. En 1989 naceu o torneo feminino, se ben a súa celebración non se estabilizou ata mediados dos anos noventa.

Ao longo do tempo, a Copa Galicia foi medrando e abranguendo cada vez máis categorías, ata se converter no torneo galego non ligueiro de referencia que é hoxe. Ao se celebraren as eliminatorias en distintas vilas e cidades, a Copa é, ademais, un dos grandes puntos de unión entre clubs, xogadores e seareiros de todos os recantos da nosa xeografía.
Obradoiro C.A.B, vencedor das tres últimas edicións da Copa Galicia Sénior Masculina

Obradoiro C.A.B, vencedor das tres últimas edicións da Copa Galicia Sénior Masculina


© Federación Galega de Baloncesto 2007