As Seleccións Galegas Infantís e Minis afrontan esta fin de semana a súa penúltima parada no camiño cara aos inminentes Campionatos de España de cada categoría (do 23 ao 27 de marzo).

A "Aula formativa do Adestrador Galego" chega ao mes de marzo coa oferta renovada da súa sexta charla teórico práctica. Nesta ocasión, ao temón estará o técnico Darío Méndez, e a súa será unha intervención incluída no marco da " I Xornada de Harmonización do Minibasket Galego".

Xa se van completando os datos de cara á participación das nosas seleccións autonómicas nos Campionatos de España Infantil e Minibasket. Se fai varias datas era esta última categoría a que coñecía o seu calendario, na mesma tarde de hoxe a Federación Española de Baloncesto vén de comunicar o esperado sorteo infantil.

A Federación Galega de Baloncesto comunica de xeito oficial as listas definitivas de 12 xogadores e 12 xogadoras que representarán, en categoría Infantil e Minibasket, á nosa Comunidade Autónoma nos Campionatos de España de Seleccións 2013.

Coñecida xa cal será a sede do Campionato de España de Seleccións Infantís (do 23 ao 27 de marzo), coas localidades andaluzas de Chiclana de la Frontera e Puerto Real como protagonistas, as preseleccións infantís galegas continúan estes días a completar etapas no seu camiño cara esta meta.

Repaso ao traballo das Preseleccións Galegas

Mércores, 13 Febreiro 2013 00:00

As Preseleccións Galegas Infantis e Minis, en plena preparación para os Campionatos de España de ambas as categorías, acometeron esta fin de semana festiva as súas primeiras probas de xogo oficiais.

As preseleccións galegas saltan á pista

Venres, 08 Febreiro 2013 00:00

Metidas de cheo no ecuador da súa preparación de cara aos Campionatos de España, as preseleccións galegas Infantís e Minis afrontan nesta fin de semana, e posteriores datas festivas, novas concentracións.

X "Memorial You": Cenor Cluny - Maristas Coruña

Mércores, 06 Febreiro 2013 00:00

O Club Baloncesto Cluny renova un ano máis, o décimo de xeito consecutivo, o seu recordo e homenaxe a Yolanda Núñez Peña, "You", falecida xogadora lucense que tan excelente traxectoria deportiva e persoal viviu na súa época no club da capital de Galicia.

Ricard Casas, Gustavo Aranzana e Antonio Pérez configuran este ano o cartel desta nova edición do tradicional clínic lucense, a celebrar os vindeiros 11 e 12 de febreiro.

Unha renovada cita cos adestramentos reunirá este domingo, 3 de febreiro, en Compostela, aos equipos técnicos das Preseleccións Galegas minis, así como aos xogadores e xogadoras que, desta volta, foron chamados a participar dela.

A Federación Galega de Baloncesto e a Unidade de Psicoloxía e Coaching Deportivo (UPCD) do Centro Libredon asinan un convenio de colaboración que vincula o traballo cos aspectos psicolóxicos ao ámbito deportivo e ao día a día do noso baloncesto.

A Federación Galega de Baloncesto presenta a súa "I Xornada de Harmonización do Minibasket Galego", un novo xeito de fomentar, entre todos, un modelo xenuíno de traballo para a categoría minibasket.

O Comité Galego de Árbitros comunica de xeito oficial o nome dos seus colexiados designados para tomar parte nos vindeiros Campionatos de España de Seleccións Autonómicas para as categorías infantil e minibasket.

O Comité Galego de Árbitros continúa aplicando os seus esforzos na formación e aprendizaxe constante dos seus colexiados e oficiais de mesa.


Federación Galega de Baloncesto e Obradoiro CAB manteñen aberto o prazo de inscrición para a nova convocatoria da súa "Aula Formativa do Adestrador Galego, neste caso programada para este domingo, 17 de febreiro, e protagonizada por Antonio Pérez.

Un total de 27 alumnos completan este martes, 12 de febreiro, a súa etapa formativa inicial como novos adestradores. Tras catro completos días de aulas teóricas e prácticas que arrincaron o sábado, na tarde de hoxe péchase unha edición máis dun curso de iniciación 2012 - 2013, neste caso o correspondente á Delegación en Santiago.

Federación Galega de Baloncesto e Obradoiro CAB achegan a Pontevedra o seu programa didáctico "Aula Formativa do Adestrador Galego". Da man do técnico galego Antonio Pérez, ambas as entidades promoven unha nova charla téorico - práctica orientada a adestradores de todas as categorías e que terá lugar o vindeiro domingo, 17 de febreiro.

Estudiantes Lugo pon en marcha un "Campus de Tiro". Destinado a xogadores federados dende Preminibasket ata Júnior, este novo proxecto dos lucenses correrá a cargo dos adestradores da entidade, sumando o especial reforzo do corpo técnico do C.B. Breogán e de xogadores deste primeiro equipo.

Galicia configúrase así como a segunda Comunidade Autónoma, por detrás de Andalucía, que máis colexiados aporta a esta 77 edición da Copa do Rei.

Completada con satisfacción unha nova acción formativa dentro do Comité de Árbitros na Delegación de A Coruña. O Director Técnico do CGAB, Miguel Ángel Pérez, congregou na tarde do mércores a un total de 30 árbitros adscritos a este colexio zonal. Xunto a eles, e botando man da súa dilatada experiencia, compartiu diferentes aspectos teóricos.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2018 Federación Galega de Baloncesto

Utilizamos cookies para mellorar a súa experiencia e os nosos servizos, analizando a navegación no noso sitio web. Se continua navegando, consideramos que acepta o seu uso. Pode obter máis información pulsando aquí: Máis información sobre a nosa política de cookies consulta a nosa Política de Cookies.

Acepto as cookies

F.G.B.