Campionato de Seleccións #KDTINF2018 - 06/01/18: Cruces Clasificatorias. Resultados galegos

Venres, 05 Xaneiro 2018 16:16

Consulta, a continuación, os resultados e estatísticas de Galicia nas definitivas cruces clasificatorias do #KDTINF2018, que se desputan este sábado, 6 de xaneiro; e nas que os nosos combinados buscarán manter a Categoría Especial en Infantil Masculino e Feminino, e en Cadete Feminino. Pola súa banda, o ascenso ao grupo Especial porase en xogo para a nosa selección Cadete Masculina. 

WEB OFICIAL #KDTINF2018

Galería de Imaxes - #KDTINF2018: 06/01/18

Campionato de Seleccións #KDTINF2018 -  06/01/18: Cruces Clasificatorias. Resultados galegos Foto: Feb

Galicia #KDTINF2018 - Resultados Cruces Clasificatorias - 06/01/18

Cadete Feminino

06/01/18 4º Especial A – 5º Especial B

(09.30 h) Baleares - Galicia (Pavillón Infanta Juana) (11 - 18 - 16 - 10, 17 - 8, 13 - 13)  (57 - 49) (estatística)

Galicia pechou o #KDTINF2018 co sabor amargo dunha derrota que lle fai ceder a súa praza en Especial para a vindeira temporada.
O equipo que dirixe Nacho Silva tentou sobre a pista aplicar toda a concentración que requería un duelo ante unha Baleares que buscaba o mesmo obxectivo.

A primeira metade de encontro asentou a ambos os equipos na pista e ningún deles deixou escapar ao rival. O equilibro de forzas e de canastras deixou todo aberto (27 – 28) e disposto para os 20 minutos finais.

Ao regreso dos vestiarios Baleares amosouse máis enchufada, engadindo a marcha precisa buscando distanciarse canto antes de Galicia no electrónico. No ecuador deste cuarto a súa vantaxe (36 – 32) comezaba a crecer e facíase máis efectiva cunha reacción momentánea ante canastra que lle concedía seis puntos de vantaxe para encarar o instante decisivo (44 – 36).

E este foi comezou precisamente con maior fortuna para Baleares, que imprimía seguridade ante unha selección galega algo errática. As rivias dominaban os primeiros seis minutos de xogo para situarse 9 puntos arriba. Neste punto, Galicia reactivouse e, grazas a unha tripla moralmente moi valiosa, acurtou a distancia a catro puntos (51 – 47) cun intenso minuto e medio de partido por desputar. Pero, nuns segundos finais de igualdade e vértigo, o bo facer balear outorgoulle a vitoria (57 - 49) que vale a permanencia en Grupo Especial.

Infantil Masculina

06/01/18 - 4º Especial A – 5º Especial B

(11.30 h) Galicia - Asturias (Pavillón Municipal La Vega) (17 - 13, 13 - 11, 17 - 18, 20 - 22)  (67 - 64)  (estatística)

Gran traballo colectivo o dos infatís de Javier Peinó nun duelo no que Galicia estableceu o ritmo desexado para poñer en apuros a un opoñente cunha rotación quizáis algo máis curta debido ao cansazo e as incidencias coas faltas.

Unha Asturias combativa non deixou de poñer en problemas reais aos galegos, que tiveron que botar man do xogo de equipo para anular o acerto rival e a puntería dos xogadores rivais clave.

A razón de ser da vitoria chegou nuns tensos minutos finais, onde dous saques de banda tras tempo morto permitiron a Galicia anotar uns necesarios e fáciles puntos extra vitais para facerse co partido (67 - 64) e co importante premio de conservar a praza en categoría Especial.

Cadete Masculino

06/01/18: 1º Preferente C- 2º Preferente D (Semifinal Preferente) 

(13.30 h) Galicia – Asturias (Pavillón Infanta Juana) (23 - 23, 18 - 20, 19 - 16, 20 - 10) (80 - 68) (estadística)

Co premio do Ascenso a Grupo Especial e a súa clasificación para a Final de Preferente. Así concluiu Galicia Cadete o seu cruce ante Asturias, un duelo no que foi gañando terreo de principio a fin, tras un gran e raudo inicio (23 – 13. 1Q) que lle outogaba garantías.

A Selección amosouse atinada na faceta defensiva durante todo o encontro, engadindo ademáis o seu plus ante canastra, acerto que lle permitiu ir incrementando a marxe cómoda no electrónico pasando pola máxima de 18 puntos (37 – 19) nos minutos finais do segundo cuarto. De todos os xeitos, Asturias non quiso baixar os brazos e antes de marchar a vestiarios conseguía tensar a corda de novo e situábase tan só a 8 no ecuador do partido (41 – 33)

A segunda metade foi a da sentencia galega. Os de Tito Díaz comezaron a administrar a contapingas a súa superioridade no luminoso e, sempre por riba no tenteo, volveron a coller a batuta para, inscrecendo e grazas ao traballo de bloque, dirixirse a vitoria.

Ao remate, felicitacións entre ambos os equipos, que competiron a gran nivel; celebración polo Ascenso a Especial, e a mente xa posta na Final de Preferente deste domingo (Galicia - Extremadura. 09.00 h).

Infantil Feminina

06/01/18 - 4º Especial A – 5º Especial B

(19.30 h) Galicia – Aragón (Pavillón Rondilla) (53 - 35)

Inicio fulgurante de Galicia no seu derradeiro partido neste Campionato. As infantís presentaron as súas credenciais ante Aragón asinando un rápido parcial 0 -9, que as rivais non só puideron romper cando restaban dous minutos do primeiro cuarto. (12 – 4).

O ritmo marcado polas galegas nos primeiros dez minutos baixou pulsación entrado o segundo período. A anotación fíxose máis imprecisa na escuadra galega, aproveitando Aragón para axustar a presión e non deixarse marchar a Galicia tan pronto (19 – 13. 2Q)

No regreso do descanso Galicia tivo que facer esforzos por manter a fenda necesaria para asegurar no marcador a súa permanencia no grupo Especial. Dende a confianza que lle aportaron os 14 puntos (33 – 19) arriba que rexistraba no ecuador do terceiro tempo, as de Fernán apuntalaron sobre todo a faceta defensiva e, acompañadas tamén do acerto nas triplas, aseguraron a vitoria e o obxectivo.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2018 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.