Campionato de Seleccións #KDTINF2018 - 04/01/18: resultados galegos

Mércores, 03 Xaneiro 2018 18:00

Consulta, a continuación, os resultados e estatísticas das Seleccións Galegas Infantil e Cadete no segundo día de competición no Campionato de España de Seleccións 2018, cita que se celebra en Valladolid entre os días tres e sete e xaneiro.

WEB OFICIAL #KDTINF2018

Galería de Imaxes - #KDTINF2018: 04/01/18

Campionato de Seleccións #KDTINF2018 - 04/01/18: resultados galegos Foto: Agencia lof / Feb

Galicia #KDTINF2018 - Resultados 04/01/18

Cadete Feminino - Fase Previa Grupo Especial B

(Galicia, Madrid, Asturias, Andalucía e Canarias)

04/01/18 - Xornada 3
(11.30 h) Asturias - Galicia (Pavillón Municipal La Vega) (22 - 19, 14 - 14, 16 - 8, 8 - 16)  (60 - 57)  (estatística)

Galicia viviu no seu primeiro duelo da xornada un encontro que, a priori, presumíase igualado pero no que a selección asturiana dominou o electrónico os 40 minutos. As numerosas perda de balóns e o pouco acerto nos tiros fixeron que as xogadoras que comanda Nacho Silva non puidesen colocarse por enriba en ningún momento, chegando ao tampo de descanso 36-33.

Tras o necesario paso por vestiarios as xogadoras galegas intentaron ir con todo para equilibrar a contenda, pero o balón non foi o seu aliado ante canastra en ningún intre e as asturianas aproveitaron este baixón para sumar e alonxarse 15 valiosos puntos .

No derradeiro cuarto Galicia apretou ata o seu límite en defensa, salvando as distancias e remontando no marcador e mentalmente ata colocarse a 3 puntos. Moi ao seu pesar, esta mínima diferencia non foi salvable nos últimos segundos, sumando así a seu segundo resultado de saldo negativo neste Campionato.

04/01/18 - Xornada 4
(19.30 h) Galicia – Andalucía (Pavillón Lalo García) (19 - 18, 15 - 11, 13 - 17, 3 - 26) (50 - 72) (estatística)

Galicia e Andalucía deron saída aos primeiros dez minutos encarándose de ti a ti, con respeto pero sen medo. A igualdade foi a tónica deste primeiro cuarto (18 – 19) no que ambas as seleccións esprimiron as súas opcións de ataque.

O período previo ao descanso serviu para que Galicia arañase unha diferencia algo máis cómoda e bo punto de inflexión para intentar despegar. Un raudo ritmo de xogo, combinado coas boas recuperacións de balón baixo o aro rival seguidas de rápidas canastras permitiron que as de Nacho Silva encarasen os vestiarios con cinco puntos ao seu favor. Pero, todo estaba por decidir.

E tanto era así que Andalucía regresou á pista totalmente enchufada e comezou a dominar o compás dun partido cardíaco e repleto de canastras de ida e volta que favorecían a reacción asturiana e devolvían o empate ao electrónico (41 – 41. Minuto 5). Os derradeiros minutos deste tempo supuxeron un intercambio de canastras no que parecía mandar Andalucía, pero que Galicia asimilaba recuperándose e acertando tamén ante o seu aro. Cun aberto 45 – 46 no luminoso entrouse no intre definitivo.

Un parcial en contra 0 – 8 nos tres primeros minutos do último período (47 – 55) situou a Galicia a expensas do rival e forzou un tempo morto que non solucionou a situación. Andalucía seguiu anotando e mantendo a raia a unha Galicia incapaz de tocar canastra (47 – 60. minuto 5). O panorama non mudou en absoluto e ante unha selección galega algo inoperativa, Andalucía prosegiu a sumar os puntos necesarios para rachar o partido (50 – 72).

Cadete Masculino - Fase Previa Grupo Preferente C

(Galicia, Melilla, Ceuta, Navarra e Castilla León)

04/01/18 - Xornada 2
(09.30 h) Galicia – Melilla (Pavillón Lalo García) (22 - 15, 18 - 11, 20 - 8, 22 - 12) (82 - 46) (estatística)

Galicia asinou con vitoria a súa estrea neste #KDTINF2018 ante unha Melilla que plantou cara de xeito máis contundente na primeira metade de encontro. Os xogadores que dirixe Tito Díaz presentaronse coas ideas claras e perseveraron no seu dominio de xogo e marcador durante todo o encontro.

Foron os primeiros dez minutos (22- 15. 1Q) os que máis lles costaron aos galegos, que tiñan diante a unha Melilla acertada en ataque e disposta a non deixar marchar o tenteo sen pelexar e respostar ás acción galegas.

No segundo período fixéronse mais visibles os erros ante canastra de ambos os equipos, pagando ambos certos nervos; pero Galicia continuo gañando distancia a pequenos pasos antes do descanso.

A segunda metade do partido serviu para que os de Tito Díaz asentasen no electrónico a súa marxe de seguridade, crecendo de 20 puntos no ecuador do terceiro cuarto (50 – 30), aos definitivos 36 do remate (82 – 46), que deixaban marcado o camiño para o encontro desta tarde ante Ceuta (17. 30 h)

04/01/18 - Xornada 3
(17.30 h) Ceuta - Galicia (Pavillón Municipal La Vega)  (2 - 42, 1 - 29, 1 - 19, 2 - 30)  (6 - 120) (estadística)

Segundo partido de la Selección Gallega Cadete Masculina en Valladolid resolto para os de Tito Díaz sen apuros. Galicia rompeu claramente o encontro dende os primeiros minutos, establecendo xa dende o período inicial un ritmo que facilitou unha vitoria que lles permite seguir acumulando sensacións positivas para o que resta dun Campionato no que a xornada de mañá, venres, 5 de xaneiro; será crucial para os seus intereses e aspiracións.

Infantil Masculino - Fase Previa Grupo Especial A

(Galicia, Baleares, Canarias, Andalucía e Madrid)

04/01/18 - Xornada 4
(19.30 h) Galicia –Baleares (Pavillón Pisuerga) (13 - 25, 29 - 14, 16 - 20, 24- 16) (82 - 75) (estatística)

Galicia arrincou moi mal, desorientada e nerviosa pero, a partir de elevar o seu nivel defensivo e templar o seu xogo de equipo, sentiuse máis cómoda en ataque. A mellora nesta faceta foi crucial para afrontar a segunda metade de partido e permitiu que os.galegos levantasen o duro parcial inicial en contra.

Con traballo, os de Javi Peino conseguiron levarse un encontro moi parello, no que a diferencia decisoria estribou realmente no acerto no 1x1 dentro dos instantes finais.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2018 Federación Galega de Baloncesto

Utilizamos cookies para mellorar a súa experiencia e os nosos servizos, analizando a navegación no noso sitio web. Se continua navegando, consideramos que acepta o seu uso. Pode obter máis información pulsando aquí: Máis información sobre a nosa política de cookies consulta a nosa Política de Cookies.

Acepto as cookies

F.G.B.