O Torneo "Teresa Herrera" de Minibasket crece na súa undécima edición

Martes, 27 Decembro 2016 16:04

O tradicional torneo contará con 24 equipos e reunirá aos mellores conxuntos do noroeste peninsular os días 3 e 4 de xaneiro de 2017, entre estes combinados estarán presentes as Preseleccións Galegas de categoría Minibasket - 2006. 

(Info: Basquert Coruña, 27 Decembro 2016.-) O Torneo Teresa Herrera de Minibásket celebrará os días 3 e 4 de xaneiro de 2017 a súa undécima edición, consolidándose como unha cita ineludible no calendario de competicións navideñas de minibasket. Este ano o trofeo presentará novidades que confirman o seu crecemento en participación e na xa de por si alta calidade das súas escuadras participantes. A competición contará coa colaboración da Federación Galega de Baloncesto e terá colexiados oficiais que dedicarán eses dous días a realizar as súas xornadas técnicas.

Un total de 24 equipos tomarán parte neste Teresa Herrera, onde haberá paridade: 12 farano en categoría masculina e o mesmo número en feminina.
Ademais dos gañadores do ano pasado, Colexio Leonés e Academia Celta, completarán a terna de participantes conxuntos punteiros en minibasket, ademais dos actuais líderes nas ligas de 1º división nesta categoría: Basket School, Novobasket, Culleredo e Bosco e as seleccións galegas 2006, tanto masculina como feminina.

O grupo masculino conformarano: Colexio Leonés A e B, Basket School, Novobasket, Culleredo, Bosco, C.B. San Andrés León, Básquet Coruña, Montrove, Maristas Lugo, PreSelección Galega 2006 masculina e Instituto de Odontoloxía Cidade de Ponferrada.

Mentres, no feminino estarán os seguintes equipos: Academia Celta, Básquet Coruña Leyma, Star Center 05 Universitario de Ferrol, Baloncesto Feminino León 06 e 05, PreSelección Galega Feminina 2006, Culleredo, Obradoiro, Maristas Lugo, Colexio Leonés, Salesianos e Bosco.

Disputaranse un total de 62 partidos concentrados en dous días, en xornadas de mañá e tarde, polo que todos os participantes xogarán un mínimo de cinco encontros. Nesta edición, para favorecer a operatividade da competición, incorporarase unha nova instalación, A Normal, para poder cubrir todos os duelos. Esta sumarase ás Polideportivas I e II de Riazor e ao Agra 2, sedes xa en anteriores anos.

O mércores 4 de xaneiro celebrarase a entrega de premios no polideportivo de Riazor 2, no que todos os equipos participantes serán recoñecidos. Ademais, haberá galardóns xentileza de Coca Cola para os MVP en categoría masculina e feminina, premios outorgados aos mellores xogadores do torneo, tanto desde o punto de vista técnico como o doutras habilidades como comportamento cos propios compañeiros, adversarios... Devanditos homenaxeados serán elixidos por todos os técnicos participantes.

A continuación, e como colofón á undécima edición, ás 20 horas, terá lugar o encontro do Leyma Coruña (LEB Oro) ante o Huesca, no Palacio dos Deportes, no que será o seu primeiro partido de 2017.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.