Deporte Galego

“II TORNEO AUTONÓMICO NBA 2K21”: o Baloncesto Galego dá o salto virtual

  • 12 Febreiro 2021 |

O Baloncesto Virtual chega a Galicia de xeito oficial da man do Club Baloncesto Seis do Nadal Coia e co apoio da Federación Galega de Baloncesto e da tenda deportiva, Tiro Libre. Coa intención de manter conectados a todos os federados neste momento de parón competitivo por mor das restricións oficiais en virtude da situación sanitaria, o club vigués por en marcha a súa II edición do “Torneo Autonómico NBA 2k21”, competición de carácter completamente virtual que xa estreara o pasado mes de marzo durante o confinamento máis estrito .

Nesta segunda edición están representadas as sete Delegacións Zonais da Federación Galega de Baloncesto e fano a través de 31 clubs de toda Galicia entre as categorías infantil e sénior. A novidade respecto á primeira edición, é a incorporación dun representante propio do Comité Galego de Árbitros, que completa os 32 xogadores participantes no Torneo.

A ruta desta segunda edición comeza na noite deste venres, 12 de febreiro, co sorteo dos enfrontamentos que protagonizarán o Torneo, e culminará na xornada do domingo, 14 de febreiro; coa propia celebración dos partidos, podendo seguir ambas citas, nas que non faltarán convidados do ámbito do Baloncesto galego, a través da Canle de Twitch do Seis do Nadal: https://www.twitch.tv/cbseisdonadalcoiavigo/

A competición realizarase con encontros de eliminación directa dende a rolda de dezaseisavos de final ata o duelo decisivo, e nos que cada un dos 31 clubs estará personalizado por un único xogador. O vencedor final recibirá un importante lote de premios gracias a colaboración da tenda deportiva “Tiro Libro scq” e á propia Federación Galega de Baloncesto, que o recoñecerá como campión autonómico.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  Logo Ufedega AVATAR RRSS concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka