Deporte Galego

Posta de longo para o “XIX 3on3 Carneiro ó Espeto”

  • 17 Xullo 2019 |

Falar do "3on3 Carneiro ó Espeto" é falar de espectáculo dentro e fóra da pista. A organización encárgase verán tras verán de traer á localidade pontevedresa de Moraña a figuras do baloncesto nacional e internacional. Nomes como Moncho Fernández, Nacho Martín, Tamara Abalde ou Sergi Quintela son só algúns deles. E nesta edición, que terá lugar o vindeiro 26 de xullo; o nome de Blanca Millán únese á lista de estrelas que dan brillo á particular constelación do Carneiro ó Espeto.

Nun breve pero espectacular acto moderado polo xornalista da TVG Terio Carrera, a organización do evento, encabezada por Saúl Ares, deu a coñecer os detalles da edición deste verán, sen perder de vista o próximo, data na que a actividade cumprirá dúas décadas de vida.

Ao acto acudiron representantes do baloncesto autonómico entre os que se atopaba José Manuel Castelao, responsable das relacións cos clubs nas Delegacións de Arousa e Santiago da Federación Galega de Baloncesto. Castelao destacou a figura de Blanca Millán recordando os seus inicios no Colexio Peleteiro, á vez que reiterou o compromiso da federación con este tipo de eventos.

FEGABA

Tras o visionado dun vídeo das mellores xogadas da tempada da madriña, Terio Carrera entrevistou a Blanca Millán, nomeada mellor xogador de conferencia e membro do mellor quinteto da tempada. Blanca desvelou que na súa tempada sénior espera render ao mesmo nivel que nas anteriores dúas campañas, para aspirar ao Draft da WNBA e disputar a mellor competición do baloncesto mundial. A santiaguesa tamén destacou que, de conseguir o título de conferencia, sería un feito histórico ao repetir vitoria por terceira tempada consecutiva. Blanca tamén abordou a súa recente experiencia realizando unha etapa do camiño de Santiago en compañía de Amaya Valdemoro: “un referente para min como a mellor xogadora do noso baloncesto e que ademais me deu moi bos consellos”.

Pechou o acto María Luisa Piñeiro; a rexedora do concello morañés, agradeceu á organización, ás entidades colaboradoras e á madriña pola súa disposición para estar en Moraña. A alcaldesa tamén repasou o intenso programa dunhas festas gastronómicas que celebran o seu quincuaxésimo aniversario neste 2019.

Como vén sendo habitual, tanto as entidades colaboradoras, como a organización e o concello entregaron numerosos obsequios á embaixadora durante o próximo ano dun evento que non deixa de crecer.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327   concello novo  Captura de pantalla completa 28042016 194652 porriño Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka