Marín, sede para o XXXIII Campionato de España de Clubs Infantil Feminino

Martes, 17 Xaneiro 2017 15:50

(Info: Concello de Marín) Na mañá deste martes 17 de xaneiro, tivo lugar a presentación e firma do Convenio de Actividades entre o Concello de Marín e a Federación Galega de Baloncesto, representadas ambas institucións pola Alcaldesa de Marín, María Ramallo; e o Presidente da Federación Galega de Baloncesto, Francisco Martín Micó. Ao acto asistiu o Club Baloncesto Peixefresco Marín co seu Presidente Javier Lage á cabeza e unha nutrida representación de xogadores do primeiro equipo LEB OURO: Miso, Múgica, Homs e Derkssen.

O prato forte do Convenio asinado entre ambas partes será a celebración por cuarta vez dun Campionato de España de Baloncesto nesta localidade, neste caso o XXXIII Campionato de España de Clubs Infantil Feminino, categoría concedida a petición do propio Club Baloncesto Peixefresco Marín polo importante aumento da súa canteira feminina nos últimos anos. O evento celebrarase entre o 10 e o 17 de xuño nos Pavillóns da Raña, Sequelo e Colexio San Narciso.

O resto de actividades do convenio comprende a celebración na vila de diferentes actividades deportivas FGB: II Torneo de Seleccións Autonómicas Minibasket, claustro de adestradores, concentracións das seleccións galegas cadete e infantil, a parte presencial de cursos de adestradores de nivel iniciación e as actividades de pretemporada do Colexio Galego de Árbitros.

DSCN5434

Alcaldesa e Presidente da FGB agradecéronse mutuamente a confianza de ambas institucións na aposta de Marín polo baloncesto coa sinatura deste convenio o cal, sen dúbida, converterá a Marín nunha das capitais galegas e nacionais do baloncesto durante o ano 2017.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.