Deporte Galego

Noia abre o telón da XXXI Copa Galicia Sénior Masculina

  • 21 Setembro 2016 |
 A Copa Galicia recala en Noia repleta de apoios
A Copa Galicia recala en Noia repleta de apoios

O Concello de Noia acolleu este mediodía a posta de longo da Fase Final da XXXI Edición da Copa Galicia Sénior Masculina. O seu Alcalde, Santiago Freire; arroupado polo Concelleiro Deportes, Ramón Santos; e polos representantes do C.B. Noia; deu a benvida a unha nova edición da Copa, competición da que a vila xa foi sede en 2011.

O Presidente FGB, Francisco Martín; e o Xefe do Servizo de Deportes da Xunta de Galicia en A Coruña, Roberto García; compartiron tamén esta posta en marcha. Xunto a eles, representando a Obradoiro CAB, finalista directo neste 2016; estiveron o seu novo ala - pívot, Nacho Llovet; e parte do seu equipo directivo.

Ana Bustelo, Presidenta do C.B. Noia, iniciou a rolda de intervencións explicando os detalles deportivos da Fase Final e manifestando o seu agradecemento a todas as entidades que a fan posible: Concello, FGB, Xunta de Galicia e clubs participantes.

Na mesma liña de gratitude amosáronse o Alcalde de Noia, Santiago Freire e o seu Concelleiro de Deportes, Ramón Santos. En ambos casos, fixeron fincapé na oportunidade que supón para a localidade albergar un evento co baloncesto como obxectivo, un deporte con “especial presencia no concello” e que, de seguro, revitalizará e “estimulará a práctica” do mesmo.

O presidente FGB, Francisco Martín; pola súa banda; non dubidou en resaltar o papel de C.B. Noia e Concello local pola súa “aposta continuada e firme” polo Baloncesto Galego. Labor que tamén recoñeceu por parte do Obradoiro CAB, finalista directo e “referente” da competición, presente ademais no acto desta maña na figura do seu novo xogador, Nacho Llovet; e parte da súa parcela directiva.

Roberto García, en nome da Secretaría Xeral para o Deporte; puxo en valor o poder do baloncesto autonómico e da propia Copa Galicia, á que definiu como “a competición por excelencia deste pais, un punto de unión entre cidades equipos e afeccionados”.

A competición: os detalles
Leyma Basquet Coruña e Ourense Provincia Termal protagonizarán o sábado 24, no Pavillón Municipal a única semifinal desta edición (20.30 h), a cal dará acceso ao enfrontamento definitivo, ante Obradoiro CAB, marcado para o domingo ás 19.30 h.

As entradas para cada xornada atópanse á venda, ata o venres, 23 de setembro; na sede da Federación Galega de Baloncesto en Santiago (Estadio Multiusos de San Lázaro, porta 14) en horario de 09.30 h a 14.00 h e de 16.30 h a 20.00 h. Así mesmo, na propia Noia os afeccionados poderán facerse coas súas entradas este mércores e venres en horario de 18.00 h a 19.00 h no Pavillón Alonso Rodríguez. As entradas posúen un prezo diferenciado por cada día: 5 euros para a semifinal do sábado; e 10 euros para a final do domingo 25.

O 50 % do valor económico da recadación da xornada de semifinais será entregado á Asociación Galega de Heteroplasia Ósea Progresiva (ASPOH), entidade nada en marzo de 2016 co obxectivo de fomentar ás axudas para a investigación desta doenza.

volver arriba

Colaboradores Institucionales

Concello de Santiago  Concello de Tui  Captura de pantalla completa 30032016 181327  cropped LOGO REDES 7 concello novo  Captura de pantalla completa 28042016 194652 porriño  
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
logo aneto logo special olympics galicia 2 shuka