A canteira do baloncesto ferrolán en xogo no II Memorial Manolo Pardo

Venres, 16 Marzo 2012 00:00

O II Memorial Manolo Pardo cobra vida. Na mañá deste xoves o Concello de Ferrol acolleu a presentación da segunda edición deste torneo de categoría infantil, organizado polo Ferrol Club Baloncesto e o Concello de Ferrol, coa colaboración da Federación Galega de Baloncesto. 
A cita en cuestión agrupará a seis equipos infantís da comarca de Ferrolterra que disputarán, divididos en dous grupos, unha liguiña inicial a dobre volta, e unha posterior fase final, programada para os días 21 e 22 de abril.

En concreto serán Mercedarias Hotel Suízo, Electro Rayma Narón, CB Irmandiños, Ferrol CB Asador Gavia, Ferrol CB Grupo Carrís e Club Baloncesto As Pontes os equipos que configuren a competición, a cal leva o nome dun dos baloncestistas máis laureados da zona, o primeiro e único xogador ferrolán que chegou a militar na selección española absoluta, coa que logrou unha presea de ouro nos Xogos do Mediterráneo do ano 1955.

Durante a presentación deste xoves foi o presidente do Ferrol Club Baloncesto, José Rilo, o encargado de lembrar a figura de Manolo Pardo, como un pioneiro do baloncesto ferrolán de elite, o primeiro de moitos outros xogadores nados en Ferrol que lograron chegar ao máximo nivel, non sen antes formarse en todas as categorías de base. Por este mesmo motivo, e tal e como recordou Rilo, é fundamental apoiar á canteira e incentivar o desenvolvemento deste tipo de torneos.

No mesmo acto, e promovendo tamén o baloncesto de base ante os medios de comunicación, estiveron presentes a concelleira de Deportes, Susana Martínez Galdós; o Vicepresidente Segundo da FGB, José Manuel Villamarín; e o director deportivo do propio Ferrol C.B; Luís Barbeito.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.