O Básquet Coruña recadará fondos para a aecc no seu partido de mañá

Venres, 13 Abril 2012 00:00

O derbi contra o Ourense, ás 19.30 h no Palacio dos Deportes de Riazor, será nunha homenaxe aos enfermos de cancro e as súas familias.

O Leyma Básquet Coruña converterá o seu partido de mañá, contra o Augas de Sousa Ourense, nunha homenaxe aos enfermos oncolóxicos e aos seus familiares, a través de Asociación Española contra o Cancro (aecc). O encontro de liga LEB Prata terá lugar mañá, 14 de abril, ás 19.30 horas no Palacio dos Deportes de Riazor. Durante o transcurso do mesmo recadaranse fondos para a aecc e, no descanso, o presidente do club herculino, Carlos Lamora, faralle entrega á presidenta provincial da ONG, María Elena Viturro, dun cheque polo importe recadado.

"Queremos facerlle chegar o noso recoñecemento a todas as persoas que loitaron contra un tumor maligno, aos seres queridos que lles prestaron axuda no camiño, e á aecc, que sempre está aí para quen o necesite", afirma Lamora.

O partido entre o equipo coruñés e o Club Ourense de Baloncesto será o único derbi galego que se xogará esta tempada no deporte da canastra, xa que só na categoría LEB prata coinciden dous equipos da nosa comunidade.Con este partido solidario, consolídase a colaboración entre a xunta provincial da aecc e o Básquet Coruña, que xa se traduciu, o pasado 30 de marzo, na organización dun taller sobre alimentación, dedicado a nenos entre 4 e 11 anos, dentro da celebración do Día Mundial contra o Cancro de Colon. A actividade consistiu na simulación dun supermercado onde os máis pequenos debían realizar unha compra de alimentos. O obxectivo era modificar hábitos inadecuados, promover a actividade física e facilitar pautas para un estilo de vida saudable de nenos e novos.

Nas próximas semanas, o equipo prestará tamén a súa axuda, un ano máis, na organización da segunda edición da marcha popular Contra o cancro, corre, que terá lugar o día 20 de maio. Ademais, o 29 de maio, coincidindo co peditorio anual da asociación, os nenos do club sumaranse á campaña nas diferentes mesas que se instalarán na Coruña. Todas estas actividades enmárcanse no programa Novos pola saúde, de xunta provincial da aecc.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.