"II Torneo Basket sen Barreiras" da man do CB Nigrán

Xoves, 17 Marzo 2016 11:48

Na competición participarán 170 xogadores do propio club, do Centro Juan María e do club Amfiv. Así mesmo, recadaranse donativos para a AECC.

Unha marcha simbólica contra o cancro inaugurará o evento, que terá lugar os días 21 e 22 de marzo no Pavillón de Deportes de Panxón.

O Club Baloncesto Nigrán, en colaboración coa Asociación Española contra o Cancro (AECC), organiza a segunda edición do Torneo Basket Sen Barreiras os días 21 e 22 de marzo no Pavillón de Deportes de Panxón cun carácter solidario: recadar fondos para a investigación desta enfermidade.

A inauguración da competición realizarase este domingo cunha marcha simbólica contra o cancro ás 12.00 horas dende o Concello de Nigrán ata o polideportivo, na que aproveitarán para amosar o seu apoio ás vítimas do sinistro do pasado sábado en A Guarda.

Así o anunciaron esta semana membros do CB Nigrán na presentación do torneo, que tivo lugar esta no propio polideportivo e á que acudiron o alcalde de Nigrán, Juan González, o concelleiro de Deportes, José Luis Sanromán, e representantes de entidades colaboradoras, como a AECC e o Centro Juan María.

Esta marcha simbólica, programada con carácter previo como pistoletazo de saída á competición, consistirá nunha carreira de relevo aberta a toda a cidadanía na que os participantes se pasarán unha pelota de baloncesto dende o edificio do consistorio ata o Pavillón de Panxón, nun intento de recrear o tradicional transporte en relevo do emblemático facho olímpico.

O esférico presidirá a celebración do torneo nunha cancha específica colocada para a ocasión. O traslado do balón inaugurará oficialmente o II Torneo Basket Sen Barreiras, aínda que non será ata o luns cando comece o evento, que contará coa presenza do Club AMFIV (Asociación de Minusválidos Físicos de Vigo), o Centro Juan María e os centros escolares de Camos, Vilariño e o CEIP Humberto Juanes.

En total, máis de 170 xogadores repartidos en trece equipos que buscarán romper obstáculos a través do deporte cun fin solidario. "Promover a integración social de persoas con algún tipo de discapacidade e fomentar a práctica deportiva entre pequenos e maiores é un dos nosos principais retos, por iso cremos que este tipo de competicións son necesarias e fundamentais para o noso municipio", sinalou o alcalde de Nigrán, Juan González.

O torneo desenvolverase ambas xornadas dende as 10.30 h ás 18.30 h, nas que se disputarán distintos partidos entre as diferentes categorías e nos que tamén intervirán xogadores en silla de rodas do AMFIV. Cada persoa participante realizará un donativo para a loita contra o cancro e habilitarase unha urna para aqueles que acudan e queiran colaborar coa AECC. Todo o recadado entregaráselles aos responsables da asociación cando conclúa o torneo.

Formación

Novas máis vistas

Colaboradores Institucionales

Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño  Captura de pantalla completa 08112017 105358 
lugo logo-deputacion-ourense logo DEPUTACION PONT
Deputación da Coruña  logouvigo 

Colaboradores FGB


 
 logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.