Experiencia FIBA e Ascenso a Grupo 1 FEB para a colexiada Paula Lema

Venres, 07 Xullo 2017 09:58

A colexiada galega Paula Lema participa estes días na 11º edición do FIBA EUROPEAN WOMEN’S BASKETBALL SUMMIT, campus creado en 2007 no que se reúnen xogadoras, adestradoras e árbitras con notable proxección.

Paula Lema coas instrutoras no FIBA European Women´s Basketball Summit Paula Lema coas instrutoras no FIBA European Women´s Basketball Summit

A presenza de Paula Lema nesta actividade, que se celebra dende o 2 de xullo e ata este sábado 8 en Postojna (Eslovenia), ven a referendar a súa boa última temporada, rubricada esta co seu recente salto a Grupo 1 FEB, categoría na que permanecía vinculada e na que estará de pleno dereito no ciclo competitivo 2017 - 2018, converténdose na primeira muller que chega á máxima categoría FEB en Galicia.

Esta boa nova do seu ascenso chega coa colexiada coruñesa inmersa de cheo na citada experiencia FIBA, todo un reto que a propia Paula define con entusiasmo: “A experiencia está resultando moi positiva. Primeiro polos coñecementos que estou adquirindo, pero, sobre todo, por ter o privilexio de formar parte deste grupo humano de compañeiras, organizadoras, e monitoras, e poder compartir anécdotas e vivencias tanto dentro como fóra da pista”.

Da man das instrutoras FIBA Chantal Julien e Kati Nynas, e de titoras como Jasmina Yuras y Dubravka Martinović, o día a día de Paula e das súas compañeiras neste FIBA EUROPEAN WOMEN’S BASKETBALL SUMMIT inclúe preparación física, formación teórica e audiovisual e intenso traballo en pista. Un conglomerado de actividades ao máis alto nivel, que a colexiada CGAB recoñece como único: “Quixera destacar a sorte que teño por esta oportunidade e polo que me está a dar a arbitraxe, porque sen este "hobby" no tería coñecido a xente tan maravillosa, nin visitado lugares con tanto encanto”.

A estancia de Paula Lema en Eslovenia rematará este sábado, 8 de xullo; data para regresar a Galicia e comezar xa a pensar na futura temporada no Grupo 1 FEB. Outro novo e importante obxectivo.

Formación

Novas máis vistas

Colaboradores Institucionales
Concello de Santiago         Concello de Tui       Captura de pantalla completa 30032016 181327

 

 

 

  

concello novo 

Captura de pantalla completa 28042016 194652

porriño 
lugo logo-deputacion-ourense logo DEPUTACION PONT
Deputación da Coruña 
Colaboradores FGB
Psicocoach   logo aneto  logo special olympics galicia 2 325 

© 2017 Federación Galega de Baloncesto

Empregamos cookies propias e de terceiros para mellorar a experiencia de navegación e ofrecer contidos e publicidade de interese. Ao continuar coa navegación entendemos que se acepta a nosa Política de cookies. Máis información sobre a nosa política de cookies consulta o noso Aviso Legal.

Acepto as cookies

F.G.B.