Federación Galega de Baloncesto

tecnificación

- A Operación Talento é unha actividade dirixida pola Federación Española dentro do seu Programa de Tecnificación Deportiva 2009.

- O obxectivo deste programa é a detección de todos aqueles xogadores e xogadoras con calidades físicas superiores á media en pouca idade e en pleno desenvolvemento das súas características idóneas para ser melloradas nas súas capacidades de xogo.

Santiago de Compostela acollerá este domingo, 22 de novembro, a fase autonómica da Operación Talento, actividade organizada pola Federación Galega de Baloncesto en colaboración co programa de Detección e Tecnificación Deportiva de FEB.

Esta nova edición da Operación Talento implicará unha xornada de adestramento na que participarán un número reducido de xogadores e xogadoras seleccionados polos gabinetes deportivos das sete Delegacións Zonais da Federación Galega de Baloncesto.

A elección dos participantes que estarán este domingo en Compostela levouse a cabo seguindo unos parámetros e requisitos antropométricos mínimos establecidos pola FEB. Estos son os seguintes:
 
- Jugadores nados nos anos 96 e 97.
- Que non estean seleccionados con ninguna Selección Autonómica.
- Cumprir os seguintes parámetros antropométricos mínimos:

                                     ANO 96                                          ANO 97                            
                            EXTERIOR -  INTERIOR          EXTERIOR - INTERIOR
MASCULINO           185           190                             175        180
FEMININO               175           180                             170        175


Traballo en Pista
Os xogadores convocados realizarán diversas probas físicas e traballos técnicos e tácticos no Polideportivo de Pontepedriña, en horario de mañá, de 11:00 h a 13:00 h. Posteriormente, os participantes acudirán a comer ao restaurante McDonald´s, colaborador da Federación Galega de Baloncesto en actividades como esta.

O traballo dos xogadores será marcado e supervisado por Vicente Rodríguez "Cholas", en colaboración co Director Técnico da Delegación de Santiago, Marcos Vázquez Rozas. Ambos adestradores contarán tamén coa axuda do Delegado en Santiago da FGB, Fran Guillamet.

Concentración final
Esta fase autonómica da Operación Talento culminará coa elección, por parte da Federación Galega de Baloncesto, dun xogador e xogadora que asistirán á concentración final que a Federación Española de Baloncesto celebrará en Castellón os días 5 e 6 de Decembro.

Nesta cita definitiva, un total de 70 xogadoras e xogadores de toda España traballarán aspectos técnicos, físicos e médicos con adestradores do Gabinete Técnico da Federación Española de Baloncesto